17:30, 28 - قازان 2024 | GMT +6
قىتاي استاناسىندا ەر ادام بالالارعا پىشاقپەن شابۋىل جاسادى
استانا. KAZINFORM - قىتايدا ەرەسەك ادامنىڭ بالاعا پىشاقپەن شابۋىل جاساۋىنىڭ تاعى ءبىر سۇمدىق وقيعاسى بولدى.
گونكونگتىڭ singdao.com سايتىنىڭ حابارلاۋىنشا، 28-قازان كۇنى جەرگىلىكتى ۋاقىت بويىنشا ساعات 15:20 شاماسىندا قىتاي استاناسى بەيجىڭدەگى حايديان اۋدانىندا ادامدارعا پىشاقپەن شابۋىل جاسالدى.
بەيجىڭ پوليتسياسى تاراتقان اقپاراتقا سايكەس، شابۋىل جاساعان 50 جاستاعى ەر ادام.
وقيعا بولعان جەر بەيجىڭدەگى «چجۋنگۋانتسۇن 3-باستاۋىش مەكتەبى» دەپ حابارلاندى.
شابۋىل وقۋشىلار مەكتەپتەن شىعىپ كەلە جاتقاندا جاسالعان.
بەس ادام زارداپ شەكتى، ونىڭ ۇشەۋى كامەلەتكە تولماعان.
شابۋىلداۋشىنى پوليتسيا قاماۋعا الىپ، جارالانعاندار ەمدەلۋگە اۋرۋحاناعا جونەلتىلدى.
بۇعان دەيىن قىتايدا پىشاقپەن جاسالعان شابۋىلدان جاپوندىق بالا زارداپ شەكەنى تۋرالى حابارلاعان بولاتىنبىز.
