قىتاي ارمياسى تايۆان ارالى توڭىرەگىندەگى اسكەري وقۋ-جاتتىعۋىن جالعاستىرۋدا
استانا. KAZINFORM - قىتايدىڭ حالىق-ازاتتىق ارمياسى بۇگىندە تايۆان ارالى توڭىرەگىندە بىرلەسكەن اسكەري وقۋ-جاتتىعۋىن جالعاستىردى، دەپ حابارلايدى Kazinform Xinhua اگەنتتىگىنە سىلتەمە جاساپ.
ق ح ا ا شىعىس جاۋىنگەرلىك قولباسشىلىق ايماعىنىڭ رەسمي وكىلى لي شيدىڭ ايتۋىنشا، وقۋ- جاتتىعۋ بارىسىندا اسكەري- تەڭىز كۇشتەرى مەن اسكەري-اۋە كۇشتەرىنىڭ بىرلەسكەن پاترۋلدىك قىزمەتى، ۇرىس دالاسىندا جان- جاقتى باقىلاۋ قۇقىعىن بىرلەسىپ يەلەنۋ جانە نەگىزگى نىساندارعا ءدال سوققى بەرۋ جۇمىستارى باستى نازاردا بولادى.
شىعىس جاۋىنگەرلىك قولباسشىلىعى بەيسەنبى كۇنى تايۆان ارالى توڭىرەگىندە «بىرلەسكەن وتكىر قىلىش-2024» وقۋ-جاتتىعۋىن وتكىزەتىندىگىن جاريا ەتكەن بولاتىن. اسكەري ءىس- شارا 23-24-مامىر كۇندەرىنە جوسپارلانعان.
جۇما كۇنى قىتايدىڭ جاعالاۋ كۇزەتىنىڭ كەمەلەر جاساعى تايۆان ارالىنان شىعىسقا قاراي سۋ ايدىندا كەشەندى وقۋ-جاتتىعۋ وتكىزدى.
«تەكسەرۋ جانە بىرىزدەندىرۋ، ەسكەرتۋ جانە ىعىستىرۋ سىندى نەگىزگى باعدارلامالاردى قامتيتىن مانيەۆرلەر جاعالاۋ كۇزەتىنىڭ كەمەلەر جاساعىنىڭ تەڭىزدەگى توتەنشە جاعدايدا شۇعىل ارەكەت ەتۋ جانە بىرلەسىپ شولعىنداۋ قابىلەتىن شىڭداۋعا باعىتتالعان»، - دەدى قىتاي جاعالاۋ كۇزەتىنىڭ رەسمي وكىلى گان يۋي.
وقۋ- جاتتىعۋلار تايۆان بۇعازىندا، تايۆان ارالىنىڭ سولتۇستىگىندە، وڭتۇستىگىندە جانە شىعىسىندا، سونداي- اق تسزينمەن، ماتسزۋ، ۋتسيۋ جانە دۋنين ارالدارىنىڭ اينالاسىنداعى اۋدانداردا وتۋدە.
وسىعان دەيىن قىتاي اسكەرى تايۆان اينالاسىندا جاتتىعۋلارىن باستاعانىن جازدىق.
