قىتاي Apple ونىمدەرىنەن باس تارتىپ جاتىر

كەيىنگى ۋاقىتقا دەيىن Apple مەن قىتاي اراسىنداعى قارىم-قاتىناس جوعارى دەڭگەيگە جەتكەن - كومپانيا ءوندىرىستى بەلسەندى دامىتىپ، قىتاي نارىعىنىڭ قاجەتتىلىگىن وتەۋ ءۇشىن بارىن سالدى، ال قىتاي بيلىگى جۇمىس ورىندارى مەن سالىق الىپ وتىردى. قاراپايىم تۇتىنۋشىلار ەڭ زاماناۋي «Apple» ونىمدەرىن الۋعا تىرىساتىن. قازىر ءبارى كەرىسىنشە - Bloomberg-تىڭ حابارلاۋىنشا، قىتايدىڭ تۇكپىر-تۇكپىرىندەگى كومپانيالار ءوز قىزمەتكەرلەرىنەن Apple iPhone تەلەفونىن (جانە شەتەلدىك برەندتەردىڭ باسقا دا گادجەتتەرىن) جۇمىسقا اكەلمەۋدى تالاپ ەتىپ جاتىر، دەپ حابارلايدى Kazinform.

بۇل ءۇردىس 10 جىل بويى جۇرگىزىلىپ كەلەدى - قىتاي مەملەكەتتىك ۇيىمدارعا تالاپ قويا وتىرىپ، شەتەلدىك تەحنولوگيالارعا تاۋەلدىلىكتى ازايتۋعا ۇمتىلۋدا. Bloomberg مالىمەتى بويىنشا، سوڭعى ايدا ەكى ءىرى ۇكىمەت ورگانى قىزمەتكەرلەرىنەن جەرگىلىكتى گادجەت برەندتەرىنە اۋىسۋى تالاپ ەتىلگەن قۇجات قابىلدادى.

كومپانيالار iPhone جانە باسقا دا Apple ونىمدەرىنە تىيىم سالاتىن ەرەجەلەر مەن نۇسقاۋلىقتاردى ءوز بەتتەرىمەن شىعارىپ جاتىر.

ءبىر قىزىعى، بۇل پروتسەسس ەرەكشە جىلدام جۇرگىزىلىپ جاتقان ايماقتاردىڭ قاتارىندا الەمدەگى ەڭ ءىرى iPhone شىعاراتىن زاۋىت ورنالاسقان حەبەي پروۆينتسياسى دا بار.

- ارينە، Apple باسشىلىعى بۇل جاعدايدان حاباردار. الايدا ەشتەڭە ىستەي المايدى. ەندى قىتاي مەن Apple كومپانيالارىنىڭ جولى تەڭىزدەگى كەمەلەر سياقتى الشاقتايتىنى انىق، - دەپ جازادى باسىلىم.