قىتاي 2026 -جىلى ۇلكەن سپەكتروسكوپيالىق تەلەسكوپتى پايدالانۋعا بەرۋدى جوسپارلاپ وتىر

استانا. KAZINFORM - ەكزوپلانەتالاردى ىزدەۋگە ارنالعان ۇلكەن سپەكتروسكوپيالىق تەلەسكوپ (Jiaotong University Spectroscopic Telescope) قۇرىلىسىن اياقتاۋ جانە پايدالانۋعا بەرۋ 2026 -جىلعا جوسپارلانعان، دەپ حابارلايدى شينحۋا اقپارات اگەنتتىگى.

بۇل تەلەسكوپ قىتايدىڭ سولتۇستىك- باتىسىنداعى شينحاي پروۆينسياسىنىڭ لەنحۋ كەنتىنىڭ جانىنداعى سايشيتەن تاۋىندا سالىنادى.

اپەرتۋراسى 4,4 مەتر تەلەسكوپ ماقساتتى دەرەككوزدەر اراسىندا جىلدام اۋىسۋعا قابىلەتتى، بۇل سپەكترلىك باقىلاۋدى ۋاقىتىندا جۇرگىزۋگە مۇمكىندىك بەرەدى.

عالىمداردىڭ ايتۋىنشا، بۇل بىرنەشە سالادا، سونىڭ ىشىندە استرونوميا مەن ەكزوپلانەتالاردى زەرتتەۋدە ءبىرقاتار سەرپىندى زەرتتەۋ ناتيجەلەرىن بەرەدى دەپ كۇتىلۋدە.

«ول ۇزاق ۋاقىت بويى قىتايداعى ەڭ وزىق سپەكترلىك تەلەسكوپ بولىپ قالا بەرەدى»، - دەلىنگەن شاڭحايدىڭ «جياۋتوڭ» ۋنيۆەرسيتەتىنىڭ حابارلاماسىندا.

بۇل جابدىق ءبىر ۋاقىتتا كوپماقساتتى جانە جوعارى دالدىكتەگى سپەكترلىك باقىلاۋلاردى جۇرگىزۋگە مۇمكىندىك بەرەدى جانە ول وسىنداي باقىلاۋ جۇرگىزەتىن ءبىرىنشى قۇرال بولماق. تەلەسكوپ ەكزوپلانەتانى انىقتاۋ تيىمدىلىگىن ايتارلىقتاي ارتتىرادى دەپ كۇتىلۋدە