قىتاي 2025-جىلدىڭ سوڭىنا دەيىن 12 ەلگە ۆيزاسىز رەجيمدى ۇزارتتى
استانا. KAZINFORM - قىتاي 12 ەلدىڭ ازاماتتارى ءۇشىن 2025-جىلدىڭ سوڭىنا دەيىن قىسقا مەرزىمگە ۆيزاسىز رەجيمدى ۇزارتۋ تۋرالى شەشىم قابىلدادى. بۇل تۋرالى قىتاي سىرتقى ىستەر مينيسترلىگىنىڭ رەسمي وكىلى لين تسزيان مالىمدەدى.
«ق ح ر مەن شەت ەلدەر اراسىنداعى ازاماتتاردى الماسۋدى جەڭىلدەتۋ ءۇشىن قىتاي فرانسيا، گەرمانيا، يتاليا، نيدەرلاند، يسپانيا، مالايزيا، شۆەيتساريا، يرلانديا، ۆەنگريا، گەرمانيا، اۆستريا، بەلگيا، ليۋكسەمبۋرگ جانە باسقا ەلدىڭ ازاماتتارى ءۇشىن ۆيزاسىز رەجيمدى 2025-جىلدىڭ 31-جەلتوقسانىنا دەيىن ۇزارتۋ تۋرالى شەشىم قابىلدادى» ، - دەدى قىتاي ديپلوماتى.
ونىڭ ايتۋىنشا، جوعارىدا اتالعان شەت مەملەكەتتەردىڭ قاراپايىم ءتولقۇجاتى بار ازاماتتارىنا ءىس-ساپار جانە تۋريستىك ساپارلارعا، تۋىستارى مەن جاقىندارىنا بارۋ، سونداي-اق ترانزيتتىك ساپارلار ءۇشىن قىتايعا 15 كۇنگە دەيىن ۆيزاسىز كىرۋگە جانە تۇرۋعا رۇقسات ەتىلەدى.
ايتا كەتەيىك، قىتاي ءتوراعاسى شي جينپيڭ فرانسياعا ساپارى بارىسىندا قىتاي تاراپى 12 ەلدىڭ ازاماتتارىن قىسقا مەرزىمدى ۆيزادان بوساتۋ ساياساتىن 2025-جىلدىڭ سوڭىنا دەيىن ۇزارتۋ تۋرالى شەشىم قابىلداعانىن اتاپ وتكەن بولاتىن.
