قىستا تاۋعا شىققاندا قانداي قاۋىپسىزدىك ەرەجەلەرىن ساقتاۋ كەرەك

وسكەمەن. KAZINFORM - شىعىس قازاقستان وبلىسىنىڭ قۇتقارۋشىلارى قىس كەزىندە تاۋعا شىققاندا قانداي قاۋىپسىزدىك ەرەجەلەرىن ساقتاۋ كەرەكتىگىن ەسكە سالدى.

Фото: ШҚО ТЖД
Фото: ШҚО ТЖД

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەڭ اۋەلى تاۋدا جۇرەتىن مارشرۋتتى الدىن الا ەگجەي-تەگجەيلى زەرتتەپ الۋ قاجەت.

- قار كوشكىنى ءقاۋپى بار جەرلەرگە بارۋدان اۋلاق بولىڭىز، اسىرەسە قار مول جاۋعاننان كەيىن. جاقىنداپ كەلە جاتقان كوشكىن شۋىن ەستىگەننەن كەيىن بىردەن 50-100 مەتر جوعارى كوتەرىلۋ كەرەك. ەگەر كوشكىن استىندا قالساڭىز ومىرىڭىزگە قاۋىپ تونەتىنىن قاپەردە ۇستاڭىز، - دەلىنگەن اقپاراتتا.

قار كوشكىنى مەن سەل اعىنىنان تەك قاشۋ ارقىلى قۇتىلۋعا بولادى.

- «112» جەدەل جەلىسىنەن كەلەتىن ەسكەرتۋلەردى قاداعالاپ وتىرعانىڭىز ءجون. وسى قاۋىپسىزدىك شارالارىن قولدانا وتىرىپ، ءسىز ءوزىڭىزدىڭ جانە جاقىندارىڭىزدىڭ ءومىرىن ساقتاپ قالا الاسىز، - دەلىنگەن حابارلامادا.

ەسكە سالساق، وسىعان دەيىن شىعىس قازاقستاندا قار كوشكىنى تۇسىرىلگەنى حابارلانعان.

سوڭعى جاڭالىقتار