قىستا بالىق اۋلاعاندارعا قانداي جاعدايدا ايىپپۇل سالىنادى؟
استانا. KAZINFORM - الماتى وبلىسىنىڭ پوليتسەيلەرى قىستا بالىق اۋلاعاندارعا قانداي جاعدايدا ايىپپۇل سالىناتىنىن ايتتى.

سۋ ايدىندارىنداعى قاۋىپسىزدىك ەرەجەلەرىنە سايكەس تاۋلىكتىڭ قاراڭعى ۋاقىتىندا مۇز ۇستىنە شىعۋعا تىيىم سالىنادى.
مۇز قالىڭدىعى 25 سانتيمەتردەن تومەن بولعان جاعدايدا مۇز استىنان بالىق اۋلاۋ تەك قۇتقارۋ جيلەتى مەن باسقا دا جەكە قۇتقارۋ قۇرالدارى بولعان جاعدايدا رۇقسات ەتىلەدى. بۇل تالاپتاردى بۇزۋ اكىمشىلىك قۇقىقبۇزۋشىلىق تۋرالى كودەكستىڭ 412-بابىنا سايكەس اكىمشىلىك جاۋاپكەرشىلىككە اكەلىپ سوعادى، بۇل ءۇشىن 7 ايلىق ەسەپتىك كورسەتكىش (ا ە ك) مولشەرىندە ايىپپۇل قاراستىرىلعان.
بالىق اۋلاۋ ەرەجەلەرىنە سايكەس بالىق شارۋاشىلىعى سۋ ايدىندارىندا بالىق اۋلايتىن تۇلعانىڭ وزىمەن بىرگە جولداما قاعازى بولۋى مىندەتتى. بۇل تالاپتى بۇزۋ اكىمشىلىك قۇقىقبۇزۋشىلىق تۋرالى كودەكستىڭ 383-بابىنا سايكەس اكىمشىلىك جاۋاپكەرشىلىككە تارتۋعا نەگىز سانالادى جانە 10 ايلىق ەسەپتىك كورسەتكىش (ا ە ك) مولشەرىندە ايىپپۇل سالۋدى كوزدەيدى.
تەك ءبىر تاۋلىك ىشىندە بۇل قۇقىقبۇزۋشىلىقتار ءۇشىن 15 تەن اسا تۇلعا اكىمشىلىك جاۋاپكەرشىلىككە تارتىلعان.
«سىزدەردى مۇزداعى قاۋىپسىزدىك شارالارىن قاتاڭ ساقتاۋعا شاقىرامىز. بۇل - قايعىلى وقيعالاردىڭ الدىن الۋدىڭ باستى كەپىلى»، - دەدى پوليتسيا.