قىستا اۆتوكولىك اينەگىن ارتىق شىعىنسىز مۇزدان تازارتۋدىڭ ەڭ وڭاي 5 ءتاسىلى

  اۆتوكولىكتىڭ الدىڭعى اينەگى اۋا رايىنىڭ بارلىق «توسىن سىيلارىن» العاش بولىپ قارسى الاتىن جابدىق. جازدا شاڭ- توزاڭ جينالسا، قىستا مۇز قاتادى.

ءبىزدىڭ ەلدىڭ كليماتتىق جاعدايىندا قىستا الدىڭعى اينەكتەردى ءجيى مۇز «جاۋلاپ» جاتادى. اۆتوكولىك اينەگىندەگى مۇنداي جاعداي سىرتتاعى جانە ماشينا ىشىندەگى تەمپەراتۋرانىڭ ساي كەلمەۋىنەن تۋىندايدى.

اۆتوكولىك يەلەرىنىڭ 10 نان 9 ى قىستا باستان وتكەرەتىن قيىندىقتىڭ ءبىرى - الدىڭعى اينەكتى قاردان تازالاۋ، مۇزدان ارشۋ. ءبىز بۇگىن الدىڭعى اينەكتەگى وسى ءبىر كەدەرگىلەردى وڭاي ءارى جىلدام جەڭۋدىڭ تەكسەرىلگەن 5 تاسىلىمەن بولىسەمىز. وڭ، تەرىس تۇسىن سارالايمىز.

اۆتولىك اينەگىنە ارنالعان قورعانىش قاپتار.

اينەكتى قاردان تازالاۋ تەز تىناتىن ءارى ۇنامدى ءىس ەمەس. جەتەر جەرگە اسىعىپ، ۋاقىت تاياعاندا قاپىلماۋ ءۇشىن ارنايى اينەك قابىن پايدالانساڭىز بولادى. وسى تۇرعىدان العاندا ارنايى قاپتامالار قولايلى. تەك سۋ وتكىزبەيتىن، تىعىز، ىلعال مەن جەلدەن قورعايتىن ماتەريالدان جاسالعانىنا كوز جەتكىزىڭىز. وسىنداي قاپتاما قولدانساڭىز، كولىككە جايعاسپاس بۇرىن، قورعانىش قۇرالىن الاسىز دا، جۇيىتكىپ كەتە بەرەسىز.

ارتىقشىلىعى: ۋاقىت ۇنەمدەيسىز، كوپ كۇش جۇمسامايسىز.

ءيا. قورعانىش قاپتامانىڭ كەرى تۇستارى جوق ەمەس. كەمشىلىكتەرى: ناقتى ءاۆتوموبيلدىڭ پارامەترلەرىنە سايكەس تياناقتى تاڭداۋ جاساۋ، قاپتامانى مۇقيات، مىعىم ورناتۋ، سىرعىپ نەمەسە قاتتى جەلگە ۇشىپ كەتۋ قاۋپى دە جوق ەمەس.

ارتىق شىعىن مەن قوسىمشا قوزعالىسسىز الدىڭعى اينەكتە مۇز قاتۋدىڭ الدىن الۋ ءۇشىن كولىكتى جابىق تۇراققا ورنالاستىرماس بۇرىن ىشتەگى تەمپەراتۋرانى قالىپقا كەلتىرۋ. تەرەزە مەن ەسىكتى اشۋ نەمەسە پەشتى الدىن الا ءوشىرۋ ۇسىنىلادى.

ارتىقشىلىعى: ارتىق قارجى جۇمسامايسىز.

كەمشىلىگى: ءبىراشاما ۋاقىت قاجەت، تەمپەراتۋرا كۇرت وزگەرسە كومەكتەسپەيدى. جۇرگىزۋشىنىڭ سالقىن ءتيىپ اۋىرىپ قالۋ قاۋپىن جوعارىلاتادى.

الدىڭعى اينەككە جىلى اۋا جىبەرۋ.

الدىڭعى اينەككە مۇز قاتقان جاعدايدا ەڭ قاۋىپسىز ءتاسىل - مۇزدى تابيعي جولمەن ەرىتۋ. بۇل پروتسەستى كۇتۋگە ۋاقىت تىعىز بولسا جىلدامداتۋ ءۇشىن جىلى اۋا اعىنىن قوسىپ، ونى اينەككە باعىتتاۋعا بولادى. ەسكەرەتىنى بۇل ارەكەت قوزعالتقىش ىسكە قوسىلعاننان كەيىن لەزدە جاسالۋ كەرەك.

ارتىقشىلىعى: قوسىمشا شىعىنداردى قاجەت ەتپەيدى، اينەكتى زاقىمدامايدى.

كەمشىلىگى: قاتقان مۇز قاباتى قالىڭ بولسا كومەكتەسۋ ىقتيمالدىعى ەداۋىر تومەندەيدى.

كوپشىلىك قولداناتىن ارنايى شەتكالاردى پايدالانۋ.

شۇعىل كولىك جۇرگىزۋ قاجەت بولعاندا تاپتىرماس قۇرال. دەسە دە ارنايى شەتكالاردى كولىكتە پەشتى قوسىپ جانە اينەك ىشىنەن جىلى اۋا باعىتتاۋمەن ءبىر مەزەتتە پايدالانۋ كەرەك.

ارتىقشىلىعى: ىڭعايلى، اينەكتى تەز تازالاۋعا بولادى.

كەمشىلىگى: وتە مۇقيات قولدانباعان جاعدايدا اينەككە سىزات ءتۇسىرۋى مۇمكىن.

مۇزدى تازالاۋعا ارنالعان اۆتوحيميالىق ەرىتىندىلەر.

بۇل الدىڭعى اينەكتەن مۇزدى كەتىرۋگە ارنالعان ەڭ يننوۆاتسيالىق ءتاسىل. حيميالىق رەاگەنتتەر مەن سۋ اراسىنداعى رەاكتسيا ءپرينتسيپى بويىنشا جۇمىس ىستەيتىن اۆتوحيميالىق ونىمدەردى اينەككە شاشىپ شەتكا نەمەسە ارنايى ماتەريالمەن دەرەۋ ءسۇرتۋ كەرەك.

ارتىقشىلىعى: جىلدام، ىڭعايلى ءارى ءارقاشان قولجەتىمدى.

كەمشىلىگى: اۆتوحيميلىق ونىمدەر ءتۇرلى گرادۋسقا لايىقتالىپ جاسالادى. سوندىقتان ونى تاڭداردا قۇرامى مەن پايدالانۋ ەرەجەسىنە اسا ساق بولۋ قاجەت.

egemen.kz