قىسقى ۋنيۆەرسيادانىڭ سالتاناتتى اشىلۋ ءراسىمى ءوتتى
استانا. KAZINFORM - بۇگىن، 13- قاڭتاردا يتاليانىڭ تۋرين قالاسىندا 2025 -جىلعى قىسقى ۋنيۆەرسيادانىڭ سالتاناتتى اشىلۋ ءراسىمى ءوتتى.
سالتاناتتى اشىلۋ راسىمىندە ەل قۇراماسىنان تۋ ۇستاپ شىعاتىن قۇرمەتىنە حوككەيشى ابىلايحان سۇلەيمەنوۆ پەن فريستايل شەبەرى اياۋلىم امرەنوۆا يە بولدى.
ابىلايحان
شايبالى حوككەيدەن «نوماد» كومانداسىنىڭ ويىنشىسى.
ول بۇدان بۇرىن ا ق ش- تا وتكەن دۇنيەجۇزىلىك قىسقى ۋنيۆەرسيادادا ەلىمىزدىڭ حوككەي قۇراماسى ساپىندا ءۇشىنشى ورىندى يەلەندى.
ال اياۋلىم امرەنوۆا - فريستايل بويىنشا 2017 -جىلعى ەۋروپا كۋبوگى كەزەڭدەرىنىڭ التىن، كۇمىس جانە قولا مەدالىن العان.
قىسقى ۋنيۆەرسياداعا قازاقستان قۇراماسى ەرەكشە دايىندىق جاساپ كەلدى. ولار ۇستىندەگى كوك ءتۇستى سپورتتىق فورمالارىمەن الاڭ تورىنەن ءجۇرىپ ءوتتى.
جاس سپورتشىلار 11 سپورت ءتۇرى بويىنشا باق سىنايدى. قازاقستان قۇراماسىنان 103 سپورتشى قاتىسادى. ولار بياتلون، شورت- ترەك، شاڭعى جارىسى، مانەرلەپ سىرعاناۋ، قىسقى سپورتتىق باعدارلاۋ، فريستايل، تاۋ شاڭعىسى، ەرلەر جانە ايەلدەر حوككەيى، سونداي- اق پاراشاڭعى جارىستارى بويىنشا سىنعا تۇسەدى.
ءدۇبىرلى دوداعا الەمنىڭ 57 ەلىنەن 2000 نان استام سپورتشى قاتىسادى. جارىس باعدارلاماسىندا 11 سپورت ءتۇرى بويىنشا 96 مەدال جيىنتىعى ساراپقا سالىنادى.
قازىرگە دەيىن قىسقى ۋنيۆەرسيادادا قازاقستاندىق سپورتشىلار 98 مەدال ەنشىلەگەن. ونىڭ ىشىندە 32 ى التىن، 29 ى كۇمىس، 37 ءى قولا.
ايتا كەتسەك، قازاقستان قۇراماسى ءوز تاريحىندا ەڭ جاقسى ناتيجەنى 2017 -جىلى الماتىدا وتكەن ۋنيۆەرسيادادا كورسەتتى. وندا جالپى مەدالدار ەسەبى بويىنشا 36 مەدال (11 التىن، 8 كۇمىس جانە 17 قولا) جەڭىپ الىپ، ەكىنشى ورىنعا يە بولعان ەدى.
سونداي- اق تەلەارنا 13-23 - قاڭتار ارالىعىندا وتەتىن ستۋدەنتتىك سپورتتىق جارىستاردى كورسەتۋ قۇقىعىنا يە بولدى.
