قىسقى ۋنيۆەرسيادا: قازاقستاندىق بياتلونشى قولا جۇلدەگەر اتاندى
استانا. KAZINFORM - يتاليانىڭ تۋرين قالاسىندا ءوتىپ جاتقان قىسقى ۋنيۆەرسيادادا قازاقستاندىق بياتلونشى كيريلل باۋەر قولا جۇلدەگە قول جەتكىزدى.

قازاقستاندىق سپورتشى 15 شاقىرىمدىق ماسس-ستارتتا ۇزدىك ۇشتىككە ىلىكتى.
دەگەنمەن قازاق تۋريزم جانە سپورت اكادەمياسىنىڭ ستۋدەنتى، 24 جاستاعى باۋەردىڭ التىن الاتىنداي مۇمكىندىگى تولىق بار ەدى. ءبىرىنشى اتۋ ايلاعىندا ول نىسانا كوزدەۋدەن ءبىر رەت ءمۇلت كەتتى. ال ەكىنشى جانە ءۇشىنشى اتۋ ايلاعىندا ءبارىن ءدال تيگىزىپ، كوش باستادى. وكىنىشكە قاراي، ءتورتىنشى اتۋ ايلاعىندا ءۇش رەت قاتەلەسىپ، ءۇشىنشى ورىنعا ءتۇسىپ قالدى.
مەرگەندىك تانىتقان فرانسيالىق ناتانەل پيگۋين 42:53.1 ۋاقىتپەن مارە سىزىعىن ءبىرىنشى بولىپ قيدى. شۆەتسيالىق كارل گرەنلاند ودان 28.1، ك. باۋەر 33.8 سەكۋندقا قالىپ قويدى.
قازاقستاندىقتار ۆاديم كۋرالەس التىنشى، نيكيتا اكيموۆ جەتىنشى ورىننان كورىندى. ەرجانات قۋاندىق 19-بولىپ كەلدى.
ەسكە سالا كەتەيىك، بۇدان بۇرىن قىسقى ۋنيۆەرسيادادا حوككەيدەن قازاقستان ەرلەر قۇراماسىنىڭ بەسىنشى ورىن العانىن جازعان بولاتىنبىز.