قىس باستالعاندا شىمكەنتتە قوزىقۇيرىق ءوسىپ شىقتى

كۇننىڭ جىلىلىعىنان شىمكەنتتە قوزىقۇيرىق ءوسىپ جاتىر، دەپ حابارلايدى Kazinform.

ءۋالي قىدىر ەسىمدى شىمكەنتتىك تۇرعىن قوزىقۇيرىق ءوسىپ تۇرعان ايماقتى ۆيدەوعا ءتۇسىرىپ، جەلىگە جۇكتەدى. وندا ءبىر توپ جىگىتتەردىڭ قوزىقۇيرىق تەرىپ جۇرگەنىن كورۋگە بولادى.

«باعباندى الىپ كەلىپ جەردى كورسەتپەك بولىپ ەدىك، قوزىقۇيرىق ءوسىپ كەتىپتى»، - دەيدى ۆيدەو اۆتورى.

ال، تابيعاتتىڭ توسىن سىيىنا كوپشىلىك تاڭقالىسىپ، ءتۇرلى پىكىرلەر جازىپ جاتىر. ولاردىڭ اراسىندا «قۇدايدىڭ كەرەمەتى وسى. قازىر الەمدە كۇن، اۋا ءبارى وزگەرىستە»، «نە شىقسا دا شىمكەنتتەن شىعادى دەگەن وسى»، «اۋا-رايى كوكتەممەن سايكەس كەلىپ تۇرعان شىعار؟»، «باقشادا كوپ شىعىپ جاتىر عوي، تەرىپ الىپ جەۋگە قورقىپ وتىرمىز»، - دەپ جازىلعان جازبالار بار.

ايتا كەتەيىك، بۇدان الدىن شىمكەنت كوشەلەرىنە قىس تۇسكەندە گۇل ەگىلىپ جاتقانىن جازعان بولاتىنبىز.