قىرىق كيىكتىڭ ەتىن تيەگەن كولىك: مال ونىمدەرىن تاسىمالداۋ ەرەجەسى بۇزىلعان

 الەۋمەتتىك جەلىدە كولىككە تيەلگەن قىرىق كيىكتىڭ ەتىن تاسىمالداۋ دەرەگىنە بايلانىستى پوليتسيا اكىمشىلىك قۇقىقبۇزۋشىلىقتى انىقتادى، دەپ حابارلايدى Kazinform. 

اقمولا وبلىسى پ د باسپا ءسوز قىزمەتىنىڭ مالىمەتىنشە، قازاننىڭ 23-ىندە پوليتسيا قىزمەتكەرلەرى «استانا- قورعالجىن» اۆتوجولىندا 40 كيىكتىڭ ەتى تيەلگەن «Jac» كولىگىن توقتاتقان.

تەكسەرىس بارىسىندا جۇرگىزۋشىنىڭ قورعالجىن اۋدانى سابىندى اۋىلىندا ورنالاسقان «استانا اگروپرودۋكت» ەت كومبيناتىنان ەكەنى انىقتالدى.

- تاسىمالداۋشى جۇكقۇجاتتاردىڭ ءتۇپنۇسقالارىن جانە «وحوتزووپروم بويىنشا» ر م ق ك مەن «استانا اگروپرودۋكت» ج ش س اراسىندا جاسالعان تاۋاردى وتكىزۋ/جەتكىزۋ شارتىنىڭ ەلەكتروندىق كوشىرمەسىن ۇسىندى. سونداي-اق، اقمولا وبلىسىنىڭ اۋماعىندا كيىكتەردىڭ پوپۋلياتسياسىن رەتتەۋ تۋرالى №688 ۇكىمەت قاۋلىسى دا بارى انىقتالدى، - دەپ ءتۇسىندىردى پ د باسپا ءسوز قىزمەتىنەن.

ۆەدومستۆودان اتاپ وتكەندەي، كيىكتىڭ ەتىن تاسىمالداۋ دەرەگى تسەلينوگراد اۋداندىق پوليتسيا ءبولىمىنىڭ اقپاراتتى ەسەپكە الۋ كىتابىندا تىركەلگەن.

- تەكسەرۋ ماتەريالدارى ق ر ا ق ب ت ك 406-بابىنا سايكەس مال ونىمدەرىن تاسىمالداۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتۋ ءۇشىن ۆەتەريناريالىق ينسپەكتسياعا جىبەرىلدى، - دەپ تولىقتىردى ۆەدومستۆودان.

ايتا كەتسەك، بۇدان بۇرىن اقمولا وبلىسىندا كيىكتەردەن 76,9 مىڭ گەكتار ەگىستىككە زيان كەلگەنىن جازعان ەدىك.