قىرعىزستاننىڭ وش قالاسىندا توتەنشە جاعداي جاريالاندى

 استانا. KAZINFORM - قىرعىزستاندا 18-مامىردا جاۋعان نوسەر جاۋىن سالدارىنان تۋىنداعان قۇبىلمالى اۋا رايىنا بايلانىستى وش قالاسىندا «توتەنشە جاعداي» رەجيمى ەنگىزىلدى.

وش قالالىق بيلىگىنىڭ حابارلاۋىنشا، مۇنداي شەشىم وش قالاسىنىڭ مەرى باقىتبەك جەتىگەنوۆتىڭ توراعالىعىمەن وتكەن ازاماتتىق قورعانىس شتابىنىڭ وتىرىسىندا قابىلدانعان. رەجيم سەل سالدارى جويىلعانشا كۇشىندە بولادى.

- وش قالاسىنىڭ ازاماتتىق قورعاۋ قىزمەتتەرىنىڭ، قالالىق جانە مۋنيتسيپالدىق مەكەمەلەر مەن ۇيىمداردىڭ، جەرگىلىكتى مۋنيتسيپاليتەتتەردىڭ جانە كەنتتەردىڭ اۋماقتىق بولىمدەرىنىڭ باسشىلارىنا قالاداعى سەل سالدارىن جويۋ جانە كەشەندى ءىس- شارالاردى، ونىڭ ىشىندە تازالاۋ جۇمىستارىن جۇرگىزۋ تاپسىرىلدى. سۋ باسۋ ءقاۋپى بار اۋماقتاردى تازارتۋ، سۋ تاسقىنىنان قورعاۋ ارنالارى مەن توسقاۋىلدارىن قالپىنا كەلتىرۋ، پروفيلاكتيكالىق ءىس- شارالاردى كۇشەيتۋ، قالالىق يرريگاتسيالىق جەلىلەر مەن سۋ بۇرۋ كانالدارىنىڭ جاعدايىن باقىلاۋ، سونداي- اق سەل ارنالارىنا ارنايى تەحنيكانىڭ كەدەرگىسىز كىرۋىن قامتاماسىز ەتۋ ماقساتىندا تۇرعىندارمەن ءتۇسىندىرۋ جۇمىستارىن كۇشەيتىلدى»، - دەلىنگەن حابارلامادا.