12:26, 04 - جەلتوقسان 2023 | GMT +5
قىرعىزستاننىڭ مەملەكەتتىك حاتشىسى تۋدى وزگەرتۋگە بايلانىستى ويىن ايتتى
قىرعىز رەسپۋبليكاسىنىڭ مەملەكەتتىك حاتشىسى سۇيىنبەك قاسمامبەتوۆ الەۋمەتتىك جەلىدەگى پاراقشاسىندا تۋدى وزگەرتۋ تۋرالى پىكىرىمەن ءبولىستى. Kazinform بۇل تۋرالى كابار اگەنتتىگىنە سىلتەمە جاساپ حابارلايدى.
«ۇسىنىلعان يدەيا العاشىندا پرەزيدەنت سادىر جاپاروۆقا، مينيسترلەر كابينەتى ءتوراعاسىنىڭ ورىنباسارى قامشىبەك تاشيەۆكە، ماعان دا ۇنادى. ەل جاڭعىرىپ جاتقان تۇستا تۋىمىزدىڭ دا جاڭارعانى دۇرىس بولار دەپ ويلادىق. الايدا، قوعام تالقىلاۋى قازىرگى تۋدىڭ حالىقتىڭ ساناسى مەن جۇرەگىنە ءسىڭىپ كەتكەنىن كورسەتىپ، تۋدى وزگەرتۋ ماسەلەسى كوپشىلىكتى الاڭداتتى. جوگوركۋ كەنەش دەپۋتاتتارى حالىقتىڭ تىلەگىن ەسكەرە وتىرىپ ارەكەت ەتەدى دەپ سەنەيىك. قانداي جاعداي بولماسىن، ءبىر-بىرىمىزگە قۇرمەتپەن قارايىق»، - دەپ جازدى ول.
اۆتور
ەركەجان سماعۇلوۆا
