قىرعىزستاننىڭ باسشىلىعىنا قاستاندىق جاساماق بولعان ترانسۇلتتىق ۇيىمداسقان قىلمىستىق توپ مۇشەلەرى ۇستالدى
استانا. KAZINFORM - قىرعىز رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتى (ۇ ق ك) قىرعىزستان باسشىلىعىنا قاستاندىق جاساماق بولعان ترانسۇلتتىق ۇيىمداسقان قىلمىستىق توپ مۇشەلەرىن ۇستادى، دەپ حابارلادى كابار اگەنتتىگى.
اگەنتتىكتىڭ مالىمەتىنشە، شەتەل ازاماتتارى مەن مەملەكەتارالىق ىزدەۋدە بولۋى مۇمكىن تۇلعالاردىڭ اراسىنان ۇيىمداسقان قىلمىستىق توپتاردىڭ زاڭسىز ارەكەتتەرىن انىقتاۋ جانە جولىن كەسۋگە باعىتتالعان جەدەل ءىس-شارالاردى ۇيىمداستىرۋ بارىسىندا ترانسۇلتتىق ۇيىمنىڭ مۇشەلەرى سانالاتىن ازەربايجاننىڭ 5 ازاماتى انىقتالدى.
الىنعان جەدەل دەرەككە سەنسەك، قىلمىس الەمىندە «قاڭعىباس» دەگەن لاقاپ اتىمەن بەلگىلى م. و. اسگاروۆ قىلمىستىق ورتانى نىعايتۋ جانە ۇرىلار يدەولوگياسىن تاراتۋ، سونداي-اق ءوزىنىڭ مارتەبەسىن ارتتىرۋ ماقساتىندا مەملەكەت جۇرگىزىپ جاتقان و پ گ- عا قارسى بەلسەندى كۇرەس ساياساتىنا بايلانىستى ەل باسشىلىعىنا قاستاندىق جاساۋ ءۇشىن سەرىكتەستەرىمەن قىرعىز اۋماعىنا كەلگەن.
وسىعان بايلانىستى قىرعىز رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتى 2024-جىلعى 22-ناۋرىزدا جەدەل-- ىزدەستىرۋ شارالارىن جۇرگىزىپ، ناتيجەسىندە جوعارىدا اتالعان تۇلعالاردىڭ بارلىعى ۇستالدى. قازىرگى ۋاقىتتا ولاردى قىرعىز رەسپۋبليكاسىنىڭ زاڭناماسىنا سايكەس جاۋاپكەرشىلىككە تارتۋ بويىنشا جەدەل-ىزدەستىرۋ شارالارى جۇرگىزىلىپ جاتىر.
