15:55, 03 - ماۋسىم 2024 | GMT +5
قىرعىزستاننىڭ باس پروكۋرورى وتستاۆكاعا كەتتى
بىشكەك. KAZINFORM - قىرعىزستاننىڭ باس پروكۋرورى قۇرمانقۇل زۋلۋشەۆ ءوز ەركىمەن وتستاۆكاعا كەتۋ تۋرالى ءوتىنىش بەردى. بۇل تۋرالى اقپاراتتى قىرعىز رەسپۋبليكاسى پرەزيدەنتىنىڭ باسپا ءسوز حاتشىسى اسقات الاگوزوۆ راستادى.
قىرعىز رەسپۋبليكاسى پرەزيدەنتىنىڭ باسپا ءسوز حاتشىسىنىڭ حابارلاۋىنشا، قازىرگى ۋاقىتتا قىرعىز رەسپۋبليكاسىنىڭ پرەزيدەنتى سادىر جاپاروۆ پروكۋراتۋرا قىزمەتكەرلەرى اراسىنان جاڭا باس پروكۋرور لاۋازىمىنا كانديداتۋرانى قاراستىرىپ جاتىر.
قۇرمانقۇل زۋلۋشەۆ باس پروكۋرور قىزمەتىن 2020 -جىلدىڭ 21-قازانىنان باستاپ اتقاردى.
اۆتور
زارينا تۋعانبايەۆا
