قىرعىزستاندىق قىلمىس الەمى سەركەسىنىڭ اكتيۆتەرىن قازاقستاننان ىزدەيدى

قىرعىزستاننىڭ ۇلتتىق قاۋىپسىزدىك كوميتەتى (ۇ ق ك) كامچى اسانبەكتىڭ (كولبايەۆ) ۇيىمداسقان قىلمىستىق توبىن جويۋ بويىنشا الدىن الا دەرەكتەردى جاريالادى.

Қырғызстандық қылмыс әлемі серкесінің активтерін Қазақстаннан іздейді
Фото: Фото: "Кабар" агенттігі

قىلمىستىق توپ كوشباسشىسى مەن ونىڭ تۋىستارىنىڭ زاڭسىز اكتيۆتەرىنىڭ قاتارىندا 850 دەن استام جىلجىمايتىن مۇلىك، باعالى بۇيىم، ونىڭ ىشىندە گاۋحار تاستارى بار التىن ءتاج بولعان. Kazinform اگەنتتىگى بۇل تۋرالى «كابار» اگەنتتىگىنە سىلتەمە جاساپ حابارلايدى.

بيىل 4- قازاندا ۇيىمداسقان قىلمىستىق توپ كوشباسشىسى كامچى اسانبەك (كولبايەۆ) قارۋمەن قارسىلىق تانىتۋ كەزىندە كوزى جويىلعانى حابارلانعان بولاتىن.

2008 -جىلدان باستاپ كامچى اسانبەك جوسپارلى جانە ماقساتتى تۇردە قىلمىس يمپەرياسىن قۇرعان.

«ك. اسانبەكتىڭ قىلمىستىق دارەجەسى مەن شەكسىز قارجى رەسۋرسى، سونداي- اق جازاعا تارتىلماۋى وعان ءار جىلدارى ەلدەگى ساياسي وقيعالارعا اسەر ەتۋگە مۇمكىندىك بەردى. بۇل ۇلتتىق قاۋىپسىزدىككە ۇلكەن قاۋىپ ءتوندىردى جانە قازىرگى قۇقىقتىق مەملەكەتتە مۇنداي جاعدايعا ورىن جوق»، - دەپ جازدى «كابار» اگەنتتىگى.

ك. اسانبەكتىڭ قىلمىس الەمىندەگى ابىرويى مەن قىزمەتى ونى زاڭسىز بايىتىپ، دوللارلىق ميلليونەرگە اينالدىردى. ال تۋىستارى مەن جاقىن ادامدارىنا قىمبات جانە شەتەلدىك اكتيۆتەردى يەلەنۋگە مۇمكىندىك بەردى. ولاردىڭ بۇل مۇلىكتى زاڭدى جولمەن ساتىپ الۋعا قارجىلىق جاعدايى جەتپەيتىن ەدى.

قىلمىستىق اكتيۆتەرىن جاسىرۋ ماقساتىندا ك. اسانبەك پەن ونىڭ جاقىندارى كۇزەت اگەنتتىكتەرىنىڭ اتىن جامىلىپ زاماناۋي قارۋمەن جانە قۇرالدارمەن جابدىقتالعان قىلمىستىق توپ قۇرعان. بۇل قارۋ- جاراقتىڭ ءبارى تەرگەۋ كەزىندە تاركىلەندى.

قىلمىستىق توپ كوشباسشىسى، ونىڭ تۋىستارى مەن جاقىندارىنىڭ مەنشىگىندە 850 دەن استام جىلجىمايتىن مۇلىك، ونىڭ ىشىندە ۇلكەن جەكەجايلار، كوتتەدجدەر، ەليتالى كلۋبتىق ۇيلەر، سالىنىپ جاتقان نىساندارداعى كوپتەگەن پاتەر، دەمالىس ورتالىقتارى، پانسيونات، مەيرامحانالار، جەر تەلىمدەرى، اتقورالار، اڭ اۋلايتىن جەرلەر، ليۋكس ساناتتاعى 60 تان اسا اۆتوكولىك، ونىڭ ىشىندە قۇرىشپەن قاپتالعاندارى بار، باعالى بۇيىمدار، ونىڭ قاتارىندا گاۋحار تاسپەن بەزەندىرىلگەن التىن ءتاج جانە باسقا دا مۇلىك بولدى.

ۇ ق ك قىلمىستىق جولمەن تابىلعان مۇلىكتىڭ ءبىر بولىگىن مەملەكەت مەنشىگىنە اۋدارا باستادى. سوعىلىپ جاتقان ەكى نىساننىڭ وزىندە ك. اسانبەكتىڭ 700 دەن استام پاتەرى بولعان، ونىڭ ءبارى مەملەكەت مەنشىگىنە وتەدى.

الدىن الا ەسەپ بويىنشا، ك. اسانبەكتىڭ زاڭسىز جولمەن تاپقان اكتيۆتەرىنىڭ قۇنى - 1 ميلليارد ا ق ش دوللارى. ونىڭ مۇلكىنە تولىقتاي تىيىم سالىندى.

ك. اسانبەك پەن ونىڭ جاقىندارىنىڭ زاڭسىز اكتيۆتەرىن ەل ىشىندە عانا ەمەس، شەتەلدەن، ونىڭ ىشىندە رەسەي، قازاقستان، گرۋزيا، تۇركيا، ب ءا ا (دۋباي) جانە جاپونيادان ىزدەۋ جالعاسادى.

سوڭعى جاڭالىقتار