10:53, 15 - شىلدە 2024 | GMT +6
قىرعىزستاندا سەل كەزىندە جوعالعان بالانىڭ دەنەسى تابىلدى
استانا. KAZINFORM - قىرعىزستاننىڭ وش قالاسىندا سەل كەزىندە جوعالىپ كەتكەن 7 جاسار قىزدىڭ دەنەسى وزبەكستان اۋماعىنان تابىلدى.
قىرعىزستان توتەنشە جاعدايلار مينيسترلىگى باسپا ءسوز قىزمەتىنىڭ حابارلاۋىنشا، ءاندىجان قالاسىنداعى (وزبەكستان رەسپۋبليكاسى) شاحريحونسوي سۋارۋ كانالىنان 2017 -جىلى تۋعان ن. س. -نىڭ دەنەسى تابىلدى.
بالانىڭ دەنەسى «دوستۋك» باقىلاۋ-وتكىزۋ بەكەتىندە قىرعىز تاراپىنا بەرىلدى. جوعالعان ەكى ايەل مەن ەكى قىزدى ىزدەۋ جۇمىستارى جالعاسىپ جاتىر.
بۇعان دەيىن حابارلانعانداي، قىرعىزستاننىڭ وش قالاسىندا سەل كەزىندە ءتورت ادام ۇشتى-كۇيلى جوعالىپ كەتتى.
14-شىلدەدە وشتا توتەنشە جاعداي رەجيمى ەنگىزىلدى.
اۆتور
زارينا تۋعانبايەۆا
