قىرعىزستاندا سەل اعىزىپ اكەتكەن ءتورت ادامنىڭ دەنەسى وزبەكستاننان تابىلدى

و ش. KAZINFORM - قىرعىزستاندا سەلمەن اعىپ كەتكەن 39 جاستاعى ايەلدىڭ دەنەسى ارادا ەكى كۇن وتكەندە وزبەكستانداعى ءاندىجان وزەنىنەن تابىلدى. بۇل جايىندا 24.kg رەسۋرسىنان حابارلاندى.

ونىڭ دەنەسىن كورشى ەلدىڭ قۇتقارۋشىلارى 16-شىلدەدە تاپتى.

مۇنىڭ الدىندا 146 مامان جوعالعان ايەلدى ىزدەۋگە جۇمىلدىرىلعان ەدى.

ەسكە سالا كەتەيىك، 14-شىلدەدە قىرعىزستاننىڭ وش وبلىسىندا تولاسسىز جاۋىننان كەيىن وزەندەر ارناسىنان شىعىپ، وش قالاسى مەن اۋىلداردا سەل ءجۇرىپ وتكەن بولاتىن.

قالادا توتەنشە جاعداي جاريالاندى.

تاسقىن «مولبۇلاق» دەمالىس ورتالىعىندا تۇرىپ جاتقان 4 ادامدى اعىزىپ اكەتتى. ولاردىڭ ءبارى - ءبىر وتباسىنىڭ مۇشەلەرى، ياعني 44 جاستاعى اناسى مەن 19، 10 جانە 6 جاسار ءۇش قىزى.

قىزداردىڭ دەنەسى وزبەكستان اۋماعىنداعى شاحريحانساي كانالىنان تابىلعان. ال اناسىنىڭ ءمايىتى اقبۋرا وزەنىنەن شىعارىلدى.

وش وبلىسىنداعى كۇشتى سەلدەن كەيىن قاراسۋ اۋداندىق ەلەكتر جەلىلەرىنەن ەلەكتر قۋاتىن الاتىن 7,5 مىڭ تۇتىنۋشى جارىقسىز قالدى.

134 ءۇيدى سۋ باسىپ، 17 ءۇيدىڭ قورشاۋىن قيراتتى.