قىرعىزستاندا قازاقستاندىق سپورتشى كوز جۇمدى

استانا. KAZINFORM - «كاراكول» تاۋ شاڭعى بازاسىندا قازاقستاندىق ازامات قازا تاپتى. بۇل تۋرالى 24.kg سايتى حابارلادى.

قايعىلى وقيعا 27-اقپاندا بولعان. بارلىق قاجەتتى ساراپتاما تاعايىندالىپ، وقيعانىڭ ءمان-جايى انىقتالىپ جاتىر.

بۇل تۋرالى 24.kg باسىلىمىنا ىستىقكول وبلىستىق ءى ءى ب باسپا ءسوز قىزمەتى مالىمدەگەن.

- پوليتسياعا جازاتايىم وقيعا تۋرالى حابار تۇسكەننەن كەيىن وقيعا ورنىنا جەدەل-تەرگەۋ توبى جەتكەن، - دەلىنگەن حابارلامادا.

مامانداردىڭ انىقتاۋىنشا، 43 جاستاعى قازاقستان ازاماتى سنوۋبوردپەن سىرعاناپ كەلە جاتىپ، دوسىمەن سوقتىعىسىپ قالعان. اۋىر جاراقات العان ەر ادام وقيعا ورنىندا جان تاپسىرعان.

سونىمەن قاتار، مارقۇمنىڭ تاجىريبەلى سنوۋبوردشى بولعانى دا اتاپ ءوتىلدى.

ايتا كەتەلىك شىمبۇلاق اسپاجولىندا ادامدار قالىپ قويعان ەدى.