قىرعىزستاندا مال ەكسپورتىنا ۋاقىتشا تىيىم سالىندى
بىشكەك. KAZINFORM - ەلدە اۋىلشارۋاشىلىق جانۋارلارىن اكەتۋگە رۇقسات بەرۋ توقتاتىلدى.

قىرعىزستان رەسپۋبليكاسى سۋ رەسۋرستارى، اۋىل شارۋاشىلىعى جانە وڭدەۋ ونەركاسىبى مينيسترلىگىنىڭ مالىمەتىنشە، 31 - قاڭتاردان باستاپ ۆەدومستۆوعا قاراستى ۆەتەرينارلىق قىزمەت ءىرى قارا، ۇساق مالدى، سونداي- اق جىلقى مالىن ءۇشىنشى ەلدەرگە ەكسپورتتاۋعا رۇقسات بەرۋدى توقتاتتى.
- 2025 -جىلدىڭ 31 - قاڭتارىنا دەيىن بەرىلگەن رۇقساتتار بارلىق تەكسەرۋلەر اياقتالعانشا جانە نورماتيۆتىك قۇقىقتىق بازاعا وزگەرىستەر ەنگىزىلگەنگە دەيىن ۋاقىتشا توقتاتىلدى. رۇقسات بەرۋ پروتسەسىنىڭ قايتا جاندانعانى تۋرالى قوسىمشا حابارلانادى، - دەلىنگەن حابارلامادا.
ەسكە سالا كەتسەك، 2024 -جىلدىڭ قىركۇيەگىندە قىرعىزستان «جانۋارلاردى سايكەستەندىرۋ جانە قاداعالاۋ» جۇيەسىندە اۋىلشارۋاشىلىق جانۋارلارىن سايكەستەندىرۋدى تۇگەندەۋگە بايلانىستى مال ەكسپورتىن ۋاقىتشا توقتاتقان بولاتىن.