قىرعىزستاندا جۇك كولىگى 29 بالانى قاعىپ كەتتى

Фото: ۆيدەودان قيىلىپ الىندى
Фото: ۆيدەودان قيىلىپ الىندى

استانا. قازاقپارات - بۇگىن قىرعىزستانداعى سوزاق اۋدانىندا كونسەرت كەزىندە وقۋشىلاردى جۇك كولىگى قاعىپ كەتتى، - دەپ حابارلايدى kaktus.media.

ەلدىڭ دەنساۋلىق ساقتاۋ مينيسترلىگى مالىمەتىنشە، اۋرۋحانالارعا 9-16 جاس ارالىعىنداعى 29 بالا جەتكىزىلگەن.

«جالال-اباد وبلىستىق بالالار اۋرۋحاناسىنىڭ جانساقتاۋ بولىمىندە جەتى بالا جاتىر، ولاردىڭ ۇشەۋى اۋىر جاعدايدا. سوزاق اۋداندىق اۋرۋحاناسىنا ءۇش بالا جاتقىزىلدى. وكتيابر اۋىلىنداعى جالپى دارىگەرلىك پراكتيكا ورتالىعىندا سەگىز جابىرلەنۋشى بار»، - دەپ جازىلعان باسىلىم مالىمەتىندە.

قالعان 11 بالا مەديتسينالىق كومەك الىپ، امبۋلاتوريالىق ەمگە جىبەرىلدى. بۇل جاعدايدى دەنساۋلىق ساقتاۋ ءمينيسترى الىمقادىر بەيشەناليەۆ جەكە باقىلاۋىنا العان.

سونىمەن قاتار، جەرگىلىكتى بۇقارالىق اقپارات قۇرالدارىندا بالالاردى قاققان كولىك بالمۇزداق تاسيتىن شاعىن جۇك كولىگى ەكەنى جازىلعان.

سوڭعى جاڭالىقتار