قىرعىزستاندا جالعان اقشا جاساۋشىلار ۇستالدى
استانا. KAZINFORM - قىرعىز رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتى جالعان اقشا جاساۋشىلاردى ۇستادى.

ارنايى قىزمەتتىڭ حابارلاۋىنشا، قىرعىزستان ازاماتتارىنىڭ جالعان شەتەل ۆاليۋتاسىنىڭ بانكنوتتارىن تاراتۋ فاكتىسى انىقتالعان.
قىرعىزستاندىق ەكى ازامات جالعان اقشا ساتىپ، قولايلى جاعداي جاساۋ ماقساتىندا ەسكى كولىكتەردى ساتىپ الۋ- ساتۋ بيزنەسىن ۇيىمداستىرعانى انىقتالدى. ولار ترانزاكتسيالاردى جاساعان كەزدە جالعان شەتەل ۆاليۋتاسىنىڭ بانكنوتتارىمەن تولەگەن.
13 - قاڭتاردا ولاردىڭ تۇرعىلىقتى جەرىندە ءتىنتۋ جۇرگىزىلىپ، ءىرى كولەمدەگى شەتەل جانە ۇلتتىق ۆاليۋتاداعى بانكنوتتار تاركىلەندى. بانكنوتتار سوت-مەديتسينالىق ساراپتاماعا جىبەرىلدى.
كۇدىكتىلەر ۇستالىپ، قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ ۋاقىتشا ۇستاۋ يزولياتورىنا قامالدى.