قىرعىزستاندا شەتەلدىك اگەنتتەر تۋرالى زاڭ جوباسى قابىلداندى

 بىشكەك. KAZINFORM - قىرعىز رەسپۋبليكاسى جوگوركۋ كەنەشىنىڭ دەپۋتاتتارى «كوممەرتسيالىق ەمەس ۇيىمدار تۋرالى» قىرعىز رەسپۋبليكاسىنىڭ زاڭىنا وزگەرىستەر ەنگىزۋ تۋرالى» زاڭ جوباسىن ءۇشىنشى وقىلىمدا ماقۇلدادى.

زاڭ جوباسىن 66 دەپۋتات قولداسا، 5 پارلامەنتاري قارسى شىقتى.

«كوممەرتسيالىق ەمەس ۇيىمدار تۋرالى» قىرعىز رەسپۋبليكاسىنىڭ زاڭىنا تۇزەتۋلەر «شەتەلدىك كوممەرتسيالىق ەمەس ۇيىم»، «شەتەلدىك كوممەرتسيالىق ەمەس ۇيىمداردىڭ قۇرىلىمدىق بولىمشەلەرى»، «شەتەلدىك وكىلدىڭ فۋنكتسيالارىن جۇزەگە اسىراتىن كوممەرتسيالىق ەمەس ۇيىم» ۇعىمدارىن ەنگىزەدى.

ەسكە سالا كەتسەك، 2024 -جىلدىڭ 17-قاڭتارىندا ا ق ش مەملەكەتتىك حاتشىسى ەنتوني بلينكەن قىرعىز رەسپۋبليكاسىنىڭ پرەزيدەنتى سادىر جاپاروۆقا حات جولداپ، وندا قىرعىزستان پارلامەنتىندە قارالىپ جاتقان «كوممەرتسيالىق ەمەس ۇيىمدار تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى زاڭ جوباسىنا قاتىستى الاڭداۋشىلىق بىلدىرگەن بولاتىن.

سادىر جاپاروۆ ءوز جاۋابىندا ادىلدىك پەن بوستاندىققا ۇمتىلۋ قىرعىز حالقىنىڭ گەنەتيكالىق كودى ەكەنىن اتاپ ءوتىپ، بلينكەننىڭ حاتىندا مەملەكەتتىڭ ىشكى ىسىنە ارالاسۋ بەلگىلەرىن اتاپ ءوتتى.

اۆتور

زارينا تۋعانبايەۆا