قىرعىزستاندا 8-ناۋرىزدا جۇمىس ىستەپ، قۇربان ايتتى 3 كۇن مەرەكەلەۋ ۇسىنىلدى

استانا. KAZINFORM - قىرعىزستان پارلامەنتىنىڭ دەپۋتاتتارى 8-ناۋرىزدا جۇمىس ىستەپ، قۇربان ايتتى 3 كۇن مەرەكەلەۋدى ۇسىندى.

ەل پارلامەنتىنىڭ دەپۋتاتى جالوليدين نۇربايەۆ ۇسىنىسىن ق ر جوگوركۋ كەنەشى اگرارلىق ساياسات، سۋ رەسۋرستارى، ەكولوگيا جانە وڭىرلىك دامۋ كوميتەتىنىڭ وتىرىسىندا جاڭا ەڭبەك كودەكسى جوباسىن ءبىرىنشى وقىلىمدا قابىلداۋ بارىسىندا جاسادى.

مۇنان بولەك، جاڭا ەڭبەك كودەكسى جوباسىندا دەمالىس بولاتىن ءبىرقاتار مەرەكە كۇنىن قايتا قاراۋ كوزدەلگەن.

قۇجاتتا 23-اقپاندى، 7-ءساۋىردى، 7-8-قاراشانى جۇمىس كۇنى دەپ ەسەپتەۋ، ءبىراق مەرەكە دەپ ساناۋ ۇسىنىلىپ وتىر. سونىمەن قاتار مينيسترلەر كابينەتى مەيرام دەمالىس كۇنىنە تۋرا تۇسكەندە دەمالاتىن كۇندەردى اۋىستىرۋ تاجىربيەسىنەن باس تارتۋ قاجەت دەپ سانايدى. دەگەنمەن، 1-7-قاڭتار ارالىعىندا جاڭا جىلدىق، ال 1-9-مامىر ارالىعىندا مامىر مەرەكەلەرى ەنگىزىلمەك.

اۆتور
مارلان جيەمباي