قىرعىزستاندا 29 بالانى قاققان كولىكتىڭ جۇرگىزۋشى ۇستالدى

استانا. KAZINFORM - قىرعىزستاننىڭ سوزاق اۋدانىنداعى وقۋشىلاردى قاعىپ كەتكەن جۇك كولىگىنىڭ جۇرگىزۋشىسى ۇستالدى. بۇل تۋرالى ەلدىڭ ءى ءى م حابارلادى، دەپ جازادى كابار اگەنتتىگى.

ۆەدومستۆو باسشىسىنىڭ ورىنباسارى وكتيابر ۋرمانبەتوۆ وقيعا بولعان ايماققا كەلىپ، جاعدايدى ءوز باقىلاۋىنا الدى.

بۇل ءىس ۇلتتىق قاۋىپسىزدىك مەملەكەتتىك كوميتەتىنىڭ باسشىسى قامشىبەك تاشيەۆتىڭ دە باقىلاۋىندا.

دەنساۋلىق ساقتاۋ مينيسترلىگىنىڭ حابارلاۋىنشا، زارداپ شەككەندەر سانى 25 تەن 32 بالاعا دەيىن ءوستى.

اۋرۋحاناداعى 9 بالانىڭ تورتەۋى جانساقتاۋ بولىمىندە جاتىر، ولاردىڭ جاعدايى اۋىر. اۋرۋحانا مەڭگەرۋشىسى قىپشاقباي توقتاربايەۆتىڭ جۋرناليستەرگە حابارلاۋىنشا، زارداپ شەككەندەردىڭ ەكەۋىندە باس-مي جاراقاتى، بىرەۋىندە اشىق باس سۇيەك-مي جاراقاتى، باس سۇيەگىنىڭ ءتۇبىنىڭ سىنۋى، ال بىرەۋىندە قابىرعا استى سۇيەگىنىڭ ەكسترۋزيالانعان سىنىعى بار. كوكباۋىر جارىلعان ەكى بالاعا وتا جاسالدى.

ەستەرىڭىزگە سالا كەتەيىك، بۇعان دەيىن قىرعىزستاندا بالمۇزداق تيەگەن جۇك كولىگى 29 بالانى قاعىپ، ولاردىڭ 7 ەۋى جانساقتاۋ بولىمىنە جەتكىزىلگەنىن حابارلاعان بولاتىنبىز.

اۆتور
ەركەجان سماعۇلوۆا