قىرعىزستان تاۋلارىندا قازاقستاندىق الپينيستەردى قار كوشكىنى باسىپ قالدى
استانا. KAZINFORM - قىرعىزستان تاۋلارىندا قار كوشكىنى الپينيستەر توبىن باسىپ قالدى. ولاردىڭ اراسىندا الماتىلىق قازاقستاندىقتار مەن ماسكەۋ تۇرعىنى بار.
الپينيستەر حان-ءتاڭىرى شىڭىنا كوتەرىلگەن كەزدە چاپايەۆ شىڭىنان قار كوشكىنى قۇلادى. ماسكەۋلىك الپينيست وقيعا ورنىندا قايتىس بولدى. قازاقستاندىق ءۇش الپينيست امان قالدى.
بارلىعى ەكى قار كوشكىنى بولدى. ءبىرىنشى كوشكىننەن امان قالعانىمەن، ءۇش ساعاتتان كەيىن چاپايەۆ شىڭىنان ەكىنشى كوشكىن قايتالاندى. ادامدار سول كوشكىننىڭ استىندا قالىپ قويدى. الايدا ولار جارتاستاعى قاتپارعا جەتىپ ۇلگەرگەندىكتەن، قار استىندا ءبىراز اۋا بولدى. الپينيستەر راتسيا ارقىلى ورنالاسقان جەرىن ايتىپ ۇلگەردى. جاقىن جەردەگى ءتورت جولسەرىكتەن تۇراتىن توپ 40 مينۋتتان كەيىن ولاردى قۇتقاردى.
قايتىس بولعان ماسكەۋلىك الپينيست باسقالارمەن بىرگە جارتاستاعى قاتپارعا جەتىپ ۇلگەرمەگەن. تولىعىمەن توپ مۇشەسى پاۆەل بلاجنوۆ ءبولىستى.
«29-شىلدە - مەنىڭ ەكىنشى تۋعان كۇنىم. حان ءتاڭىرى ەكسپەديتسياسى 2024. 5050 مەتر بيىكتىكتە، ساعات 08:15-تە حان ءتاڭىرىنىڭ وڭتۇستىك جاعىنداعى «بوتەلكەگە» كىرە بەرىستە، ءتورت ادامنان تۇراتىن توپ قار كوشكىنى استىندا قالدى: بوريس دەدەشكو (الماتى)، پاۆەل بلاجنوۆ، مارياننا پەتروۆا (الماتى)، چاپايەۆ شىڭىنىڭ باۋرايىنان تۇسكەن الەكسەي سميرنوۆ (ماسكەۋ). ءبىزدى جارتاس قاتپارى قۇتقارىپ قالدى. اياعىمىز بەن كەۋدەمىزدى سۋلى قار باسىپ قالدى. باسىمىز بەن قولىمىز قوزعالىستا بولعانىمەن، اياعىمىزدى قوزعاۋ مۇمكىن ەمەس. شىعۋعا تىرىسقانىمىزبەن، ءبىراق ناتيجە بولمادى. ىلعال قار، مۇزعا اينالىپ، ساۋساقتارىمىز ءۇسىپ بارادى. تولىق قار كوشكىنىنىڭ قۇرساۋىندا قالدىق. بىرتە-بىرتە تۇنشىعىپ، توڭا باستادىق. وتتەگىنى ۇنەمدەۋ ءۇشىن ءجيى دەم الۋىمىز كەرەك ەكەنىن تۇسىندىك، ءبىراق بۇل دا قيىنعا سوعا باستادى. قولدارىمىز بەن بەتىمىز دە قارايا باستادى. ءومىردىڭ ءتۇرلى ساتتەرى ەسىمىزگە ءتۇستى. توپتا اسا ۇرەي بولعان جوق، بارلىعىمىز جاقىندا ءبارى بىتەتىنىن تۇسىندىك»، - دەپ جازدى پاۆەل بلاجنوۆ Instagram پاراقشاسىندا بولعان وقيعا تۋرالى.
ماسكەۋلىك الپينيستى قازۋ جۇمىستارى 2-تامىز كۇنى باستالىپ، ماسكەۋگە جەتكىزىلەتىندىگى حابارلاندى.
اۆتور
ەركەجان سماعۇلوۆا
