قىرعىزستان ساۋداگەرلەر ءۇشىن پاتەنت جۇيەسىن قايتا ەنگىزدى

استانا. KAZINFORM - قىرعىزستاندا سالىقتىق اكىمشىلەندىرۋگە ءبىرقاتار وزگەرىس ەنگىزىلدى، دەپ حابارلايدى kazinform ءتىلشىسى.

قىرعىزستان پرەزيدەنتى «كاسىپكەرلىك سۋبەكتىلەرىن قولداۋ شارالارى، سالىق جانە سالىقتىق اكىمشىلەندىرۋ مولشەرلەمەلەرىن وڭتايلاندىرۋ تۋرالى» جارلىققا قول قويدى.

قىرعىزستاننىڭ مەملەكەتتىك سالىق قىزمەتىنىڭ مالىمەتىنشە، كاسىپكەرلەردى قولداۋ جانە سالىق جۇكتەمەسىن ازايتۋ ماقساتىندا ەلدە ساۋدا قىزمەتىن جۇزەگە اسىراتىن كاسىپكەرلەر ءۇشىن پاتەنتتىك جۇيە ەنگىزىلدى. بيزنەس جىلدىق تابىسقا بايلانىستى سالىق تولەيدى.

وزگەرىستەرگە سايكەس، %0,5 سالىقتى قولدانۋ ءۇشىن كىرىس شەگى 30 دان 50 ميلليون سومعا دەيىن ۇلعايتىلدى، ال %0,1 جانە %1 ستاۆكالار جويىلدى. زەرگەرلىك سالا ءۇشىن جاڭا سالىق ستاۆكاسى-%0,25 بەلگىلەندى. يەسى انىقتالماعان سۋبەكتىلەردىڭ اتىنا تاۋارلاردى وتكىزۋ كەزىندە ساتۋدان الىناتىن سالىق ستاۆكاسى تومەندەتىلدى-%2 (بۇرىن %4)، ونىڭ اتىنا نەمەسە ءۇشىنشى تۇلعانىڭ اتىنا الىنعان جانە اۋدارىلعان اقشا قاراجاتىنىڭ سوماسىنان تۋىندايتىن ق ر- داعى كوزدەن الىناتىن تابىسقا %0,2 مولشەرىندە ستاۆكا بەلگىلەندى. سالىق تولەۋشىلەر مەملەكەت مۇقتاجى ءۇشىن جىلجىمايتىن مۇلىكتى ايىرباستاعان جاعدايدا (مەكتەپتەر، جول سالۋ جانە باسقالار) سالىقتان بوساتىلادى.

ەستەرىڭىزگە سالا كەتەيىك، قىرعىزستاندا ساۋدا پاتەنتى 2024-جىلدىڭ 1-شىلدەسىنەن باستاپ جويىلدى. بۇعان دەيىن ەلدە سالىقتىق اكىمشىلەندىرۋ ءراسىمى جەڭىلدەتىلگەنى حابارلانعان بولاتىن. وسى جىلدىڭ قاڭتارىندا قىرعىزستاندا كولىك سالىعى الىنىپ تاستالدى جانە سالىقتىق راقىمشىلىق جاريالاندى.

وسىعان دەيىن قىرعىزستانعا تۇسكەن اقشا اۋدارىمدارى $246,5 ميلليونعا جەتكەنى تۋرالى حابارلادىق.