قىرعىزستان پرەزيدەنتىنىڭ ءىنىسى ۇستالدى

استانا.قازاقپارات - قىرعىزستان پرەزيدەنتى سادىر جاپاروۆتىڭ ءىنىسى ۇلان جاپاروۆ الاياقتىق جاسادى دەگەن كۇدىككە ءىلىنىپ، ۇستالدى، - دەپ حابارلايدى Massaget.kz ءتىلشىسى Vesti.kg سايتىنا سىلتەمە جاساپ.

بىشكەكتىڭ پەرۆومايسكي اۋداندىق سوتى بەرگەن اقپاراتقا سايكەس، سوت 21-ماۋسىمدا بىشكەك بويىنشا ۇ ق ك م م م تەرگەۋشىسىنىڭ ءوتىنىشىن قاناعاتتاندىرىپ، ۇلان جاپاروۆتى 19-تامىزعا دەيىن قاماۋعا الۋعا شەشىم قابىلدادى.

قولدا بار مالىمەتتەر بويىنشا، جاپاروۆتى مەملەكەتتىك ۇلتتىق قاۋىپسىزدىك كوميتەتى ۇستادى. ول قىرعىزستان پرەزيدەنتىنىڭ وكىلەتتى وكىلىن وبلىستاردىڭ بىرىنە تاعايىنداۋعا ۋادە بەرىپ، ول ءۇشىن 100 مىڭ ا ق ش دوللارىنان استام سىياقى الدى دەگەن كۇدىككە ءىلىندى. الايدى ول ۋادەسىن ورىنداماعان.

ەسكە سالايىق، بۇگىن قىرعىزستان ۇ ق ك ك باسشىسى قامشىبەك تاشيەۆتىڭ تۋىسى ۇستالعانى تۋرالى اقپارات پايدا بولدى.