قىرعىزستان پرەزيدەنتىنىڭ بولاشاق كۇيەۋ بالاسى نە ءۇشىن ۇستالدى - بيلىكتىڭ تۇسىنىكتەمەسى
استانا. KAZINFORM - قىرعىزستان پرەزيدەنتىنىڭ باسپا ءسوز حاتشىسى اسقات الاگوزوۆ ءلاززات نۇرقوجويەۆانىڭ بولاشاق كۇيەۋىنىڭ قاماۋعا الىنعانى تۋرالى اقپاراتقا قاتىستى تۇسىنىكتەمە جاريالادى، دەپ حابارلايدى كابار اقپارات اگەنتتىگى.
«پرەزيدەنت سادىر جاپاروۆتىڭ ءىنىسىنىڭ قىزىنىڭ بولاشاق كۇيەۋىن قۇقىق قورعاۋ ورگاندارى ۇستاعانىن راستايمىز.
ەسكە سالا كەتسەك، ەر ادام ءلاززات نۇرقوجويەۆاعا تىكۇشاقتا ۇيلەنۋ تۋرالى ۇسىنىس جاساعاننان كەيىن تانىمال بولدى.
ءبىراق جاس جىگىتتىڭ باستى ماقساتى - ونىڭ زاڭسىز ارەكەتتەرىن قورعاۋ ءۇشىن بيلىكتەگى ادامداردى تابۋ دەپ ايتۋعا تولىق نەگىز بار.
پرەزيدەنت سادىر جاپاروۆ كىم بولماسىن، ونىڭ زاڭسىز ارەكەتىن جاسىرمايتىنىن اتاپ وتكىم كەلەدى.
بۇرىنعى جىگىتى مەن ونىڭ سىبايلاستارىنىڭ زاڭسىز ارەكەتتەرىنىڭ ءمان-جايلارى تەرگەۋ بارىسىندا انىقتالاتىن بولادى»، - دەپ جازدى الاگوزوۆ.
اۆتور
زارينا تۋعانبايەۆا
