قىرعىزستان پرەمەر- ءمينيسترى وتستاۆكاعا كەتتى
استانا. KAZINFORM - مينيسترلەر كابينەتىنىڭ ءتوراعاسى - پرەزيدەنت اكىمشىلىگىنىڭ باسشىسى اقىلبەك جاپاروۆ وتستاۆكاعا كەتتى، دەپ حابارلايدى Kazinform «كابار» اقپارات اگەنتتىگىنە سىلتەمە جاساپ.
بۇگىن ول مينيسترلەر كابينەتى اپپاراتىمەن قوشتاستى.
مينيسترلەر كابينەتىنىڭ Telegram ارناسىندا پرەزيدەنت اكىمشىلىگى قىزمەتكەرلەرى ونى قالاي شىعارىپ سالعانى تۋرالى بەينە جاريالاندى.
اقىلبەك جاپاروۆ مينيسترلەر كابينەتىنىڭ باسشىسى قىزمەتىن 2021 -جىلدىڭ قازان ايىنان بەرى اتقاردى.
قىرعىزستان مەن تاجىكستان مەملەكەتتىك شەكارانى بەلگىلەۋ جۇمىستارىن اياقتاعانى تۋرالى جازعان ەدىك.
تاراپتار كەلىسىمگە كەلىپ، قىرعىز- تاجىك مەملەكەتتىك شەكاراسىنىڭ قالعان بولىكتەرىن بەلگىلەۋ جۇمىستارىن تولىق اياقتادى. ۇكىمەتتىك دەلەگاتسيالاردىڭ جۇمىس توپتارىنا قىرعىز- تاجىك مەملەكەتتىك شەكاراسىن دەليميتاتسيالاۋدىڭ قورىتىندى قۇجاتتارىن راسىمدەۋگە كوشۋ جونىندە تاپسىرما بەرىلدى.
