قارت اتا- اناسىنان باس تارتقان بالالاردى تۇرمەگە جاپپاق

قىرعىزستاننىڭ جوگوركۋ كەنەشىنىڭ كوميتەتى قاريا اكە- شەشەسىن اسىراۋدان باس تارتقان بالالارعا جازانى قاتاڭداتۋ جونىندەگى زاڭ جوباسىن ءبىرىنشى وقىلىمدا ماقۇلدادى. قازاقپارات بۇل تۋرالى «كابار» اگەنتتىگىنە سىلتەمە جاساپ حابارلايدى.

қарияларды тастау
Фото: pexels.com

قۇجاتتىڭ باستاماشىسى - دەپۋتات تازابەك يكراموۆ.

ونىڭ سوزىنشە، زاڭ جوباسى ەڭبەككە قابىلەتسىز جانە ماتەريالدىق كومەككە مۇقتاج اتا- اناسىن اسىراۋدان باس تارتقان ەڭبەككە قابىلەتتى، كامەلەت جاسىنا تولعان بالالارعا جازانى قاتاڭداتۋ جانە مەملەكەتتىك قىزمەتتەن شەكتەۋ ماقساتىندا ازىرلەندى.

دەپۋتات اتاپ وتكەندەي، قازىرگى زاڭ بالالارىنا جەتكىلىكسىز كوڭىل بولگەن اتا- انانى جاۋاپقا تارتۋعا عانا مۇمكىندىك بەرەدى.

«ال اتا- اناسىن تاستاپ كەتكەندەردى جاۋاپقا تارتۋ ءۇشىن سوت شەشىمى قاجەت»، - دەپ تولىقتىردى ول.

اتا- اناسىنا قامقور بولۋدان (اليمەنت تولەۋدەن) باس تارتقان بالالارعا ايىپپۇل سالۋ نەمەسە 1-2 جىلعا باس بوستاندىعىنان ايىرۋ ۇسىنىلىپ وتىر.

سوڭعى جاڭالىقتار