قىرعىزستان مەن تاجىكستان قوسىمشا 12 شاقىرىم شەكارانى بەكىتتى

قىرعىزستان مەن تاجىكستاننىڭ توپوگرافيالىق جۇمىس توبى تاعى 11,88 شاقىرىم قىرعىز-تاجىك مەملەكەتتىك شەكاراسىن كەلىستى، دەپ حابارلايدى Kazinform ق ر مينيسترلەر كابينەتىنىڭ باسپا ءسوز قىزمەتىنە سىلتەمە جاساپ.

بۋستوندا 17-23- جەلتوقسان ارالىعىندا قىرعىزستان مەن تاجىكستاننىڭ مەملەكەتتىك شەكارا دەليميتاتسياسى مەن دەماركاتسياسى بويىنشا ۇكىمەتتىك دەلەگاتسيانىڭ توپوگرافيالىق جۇمىس توپتارىنىڭ كەزەكتى كەزدەسۋى ءوتتى. وندا ەكى ەلدىڭ 11,88 شاقىرىم مەملەكەتتىك شەكاراسى كەلىسىلدى.

تاراپتار قالعان اۋماقتاردى سيپاتتاۋ جۇمىسىن قىرعىز رەسپۋبليكاسىندا وتەتىن كەلەسى كەزدەسۋدە جالعاستىرادى. كەزدەسۋ قورىتىندىسى بويىنشا ءتيىس حاتتاما تولتىرىلدى.

تاجىكستان مەن قىرعىزستاننىڭ 970 شاقىرىمعا سوزىلاتىن ورتاق شەكاراسى بار ەكەنىن ەسكە سالا كەتەيىك. وعان قوسا جۇزدەگەن شاقىرىم شەكتەسۋ سىزىعى ءالى انىقتالىپ، بەكىتىلمەگەن. تاراپتار كەزەكتەسە وتىرىپ ءبىر-ءبىرىنىڭ اۋماعىندا كەزدەسۋ وتكىزەدى.