قىرعىزستاندا پرەزيدەنت سايلاۋىنا قاتىسۋعا العاشقى كانديدات ءوتىنىش بەردى

ايمەن كاسەنوۆتىڭ بيزنەستە 25 جىلدىق تاجىريبەسى بار. ول بۇرىن رەسەي- قىرعىزستان دامۋ قورىنىڭ باسقارما مۇشەسى، «گازپرومنەفت- كازاحستان» كومپانياسىنىڭ باس ديرەكتورى جانە بىشكەك مەرىنىڭ كەڭەسشىسى قىزمەتتەرىن اتقارعان.

ەگەر ايمەن كاسەنوۆكە سايلاۋعا تۇسۋگە رۇقسات بەرىلسە، بۇل ونىڭ ەكىنشى پرەزيدەنتتىك ناۋقانى بولادى. ول 2021 -جىلى دا سايلاۋعا قاتىسىپ، %1 دان از داۋىس جيناعان.

پرەزيدەنتتىك سايلاۋعا كانديداتتاردى ۇسىنۋ مەرزىمى 2026 -جىلدىڭ 13-قاراشاسىنا دەيىن سوزىلادى، سودان كەيىن ورتالىق سايلاۋ كوميسسياسى كانديداتتاردى تىركەۋدى جانە سايلاۋعا ودان ءارى دايىندىقتى باستايدى.

ەسكە سالا كەتەيىك، قىرعىزستاندا پرەزيدەنت سايلاۋى 2027 -جىلعى قاڭتاردا وتەدى.

قىرعىزستان ورتالىق سايلاۋ كوميسسياسىنىڭ دەرەگىنشە، پرەزيدەنت سايلاۋىنا بارلىعى 1,2 ميلليارد سوم (شامامەن 6,06 ميلليارد تەڭگە) جۇمسالماق.