قىرعىزستاندا پرەزيدەنت سايلاۋىنا نەشە ادام تىركەلدى

ورتالىق كوميسسيانىڭ مالىمەتى بويىنشا، الدىن الا بۇكىل ەل بويىنشا 4467040 سايلاۋشى بار. سايلاۋشىلاردىڭ ارالىق ءتىزىمى قاعازعا باسىپ شىعارىلىپ، 2026 -جىلدىڭ 18-قاراشاسىنا دەيىن 2492 سايلاۋ ۋچاسكەسىنە ىلىنەدى.

تىزىمدەردى «قىزمات» مەملەكەتتىك مەكەمەسى ءبىرىڭعاي مەملەكەتتىك حالىق تىزىلىمىندەگى اقپارات نەگىزىندە قۇراستىرىپ، «تيزمە» پورتالىندا (tizme.gov.kg) جاريالادى. ولار كۇن سايىن جاڭارتىلىپ وتىرادى.

ازاماتتار وزدەرىنىڭ سايلاۋشىلار تىزىمىندەگى اتى- ءجونىن 2027-جىلدىڭ 12 -قاڭتارىنا دەيىن «tizme.gov.kg» سايتىندا، سايلاۋ ۋچاسكەسىندە، 1255 نەمەسە 119 نومىرلەرىنە قوڭىراۋ شالىپ جانە 119 نومىرىنە PIN كودپەن SMS جىبەرىپ تەكسەرە الادى.

تىزىمدە جوق جانە بيومەتريالىق تىركەۋدەن وتپەگەن قىرعىزستان ازاماتتارى وسى پروتسەدۋرادان ءوتىپ، حالىققا قىزمەت كورسەتۋ ورتالىقتارىنداعى ءتولقۇجات مالىمەتتەرىن جاڭارتا الادى.

ەسكە سالايىق، قىرعىزستانداعى كەلەسى پرەزيدەنت سايلاۋى 2027-جىلدىڭ 27 -قاڭتارىنا جوسپارلانعان.