قىرعىزستاندا پرەزيدەنت سايلاۋى وتەتىن ناقتى كۇن بەلگىلى بولدى
استانا. KAZINFORM - جوگوركۋ كەنەش دەپۋتاتتارى قىرعىز رەسپۋبليكاسى پرەزيدەنتى سايلاۋىن بەلگىلەۋ تۋرالى قاۋلىنىڭ جوباسىن قابىلدادى، دەپ حابارلايدى Kazinform اگەنتتىگىنىڭ بىشكەكتەگى مەنشىكتى ءتىلشىسى.
جوگوركۋ كەنەشتىڭ كونستيتۋتسيالىق زاڭناما، مەملەكەتتىك قۇرىلىس، جەرگىلىكتى ءوزىن-ءوزى باسقارۋ جانە رەگلامەنت كوميتەتىنىڭ ءتورايىمى گۇلنار اكىمبايەۆانىڭ ايتۋىنشا، قىرعىز رەسپۋبليكاسىنداعى پرەزيدەنت سايلاۋى جوگوركۋ كەنەشتىڭ قاۋلىسىمەن بەلگىلەنىپ وتىر.
كەزەكتى پرەزيدەنت سايلاۋى مەملەكەت باسشىسىنىڭ وكىلەتتىگى اياقتالاتىن جىلدىڭ قاڭتار ايىنىڭ ءتورتىنشى سارسەنبىسىندە، ياعني 2027-جىلدىڭ 27-قاڭتارىندا وتەدى.
بۇرىن قىرعىزستان پرەزيدەنت جانە پارلامەنت سايلاۋىنىڭ كۇنىن جەكسەنبىدەن سارسەنبىگە اۋىستىرعانى تۋرالى حابارلانعان بولاتىن.
