قىرعىزستاندا پرەزيدەنت بولۋ ءۇشىن كىمدەر باسەكەگە تۇسپەك

قىرعىزستاننىڭ سايلاۋ جانە رەفەرەندۋمدار جونىندەگى ورتالىق كوميسسياسىنىڭ مالىمەتى بويىنشا، 11 كانديدات پرەزيدەنت سايلاۋىنا تۇسەدى.

ولار:

* سادىر جاپاروۆ (قازىرگى پرەزيدەنت)

* ايمەن كاسەنوۆ (كاسىپكەر)

* ازامات ەسەنبەكوۆ (بيزنەسمەن)

* سىيمىك جاپىكەيەۆ (قارجى پوليتسياسىنىڭ بۇرىنعى باسشىسى)

* اكاي كىدىروۆ (كاسىپكەر)

* يسحاك ماساليەۆ (جوگوركۋ كەنەشتىڭ بۇرىنعى دەپۋتاتى)

* باكتىبەك كالماماتوۆ (جوگوركۋ كەنەشتىڭ بۇرىنعى دەپۋتاتى)

* باكىتبەك ادىلوۆ (مەملەكەتتىك كوشى-قون قىزمەتىنىڭ بۇرىنعى ءتوراعاسى)

* امۋر ايبا مەدەر («بويل» ج ش س ديرەكتورى)

* مامبەتجۇنىس ابىلوۆ (ورتالىق سايلاۋ كوميسسياسىنىڭ جانە توتەنشە جاعدايلار مينيسترلىگىنىڭ بۇرىنعى باسشىسى)

* كلارا سوورونقۇلوۆا (جوعارعى سوتتىڭ كونستيتۋتسيالىق پالاتاسىنىڭ بۇرىنعى سۋدياسى)

كانديداتتاردى قولدايتىن سايلاۋشىلاردىڭ ەلەكتروندىق قولتاڭباسىن جيناۋ 2026 -جىلدىڭ 7-جەلتوقسانىنا دەيىن جالعاسادى. زاڭعا سايكەس، ءار ۇمىتكەر كانديدات رەتىندە تىركەلۋ ءۇشىن كەمىندە 30000 سايلاۋشىنىڭ قولىن جيناۋى كەرەك.

تىركەۋ ءۇشىن قاجەتتى قۇجاتتار 2026-جىلدىڭ 13-جەلتوقسانىنا دەيىن قابىلدانادى. كانديداتتار مەن ولاردىڭ ۋاكىلەتتى وكىلدەرى جەتىسپەيتىن قۇجاتتاردى بەلگىلەنگەن تارتىپپەن ۇسىنۋعا قۇقىلى.

پرەزيدەنتتىككە كانديداتتاردى تىركەۋ 2026-جىلدىڭ 23-جەلتوقسانىنا دەيىن جالعاسادى.

ەسكە سالا كەتەيىك، قىرعىزستاندا پرەزيدەنت سايلاۋى 2027-جىلعى 27-قاڭتاردا وتەدى.

قىرعىزستاندا پرەزيدەنت سايلاۋىنا قاتىسۋعا العاشقى كانديدات 14-قازان كۇنى ءوتىنىش بەرگەن.

سادىر جاپاروۆ تا قىرعىزستان پرەزيدەنتتىگىنە ءوز كانديداتۋراسىن ۇسىنعان.

سونىمەن قاتار قىرعىزستانداعى پرەزيدەنت سايلاۋىنا بارلىعى 1,2 ميلليارد سوم (شامامەن 6,06 ميلليارد تەڭگە) جۇمسالماق.