قىرعىزستاندا ۇ ق م ك- نىڭ بۇرىنعى ەكى جوعارى لاۋازىمدى قىزمەتكەرى ۇستالدى
استانا. قازاقپارات - قىرعىزستاندا ۇلتتىق قاۋىپسىزدىك مەملەكەتتىك كوميتەتىنىڭ بۇرىنعى ەكى جوعارى لاۋازىمدى قىزمەتكەرى ۇستالدى.
ب ا ق مالىمەتىنشە، ولاردىڭ ءبىرى – ۇ ق م ك ءتوراعاسىنىڭ بۇرىنعى ءبىرىنشى ورىنباسارى كۋرۆانبەك اۆازوۆ، ەكىنشىسى - ۆەدومستۆونىڭ جالال-اباد وبلىسى بويىنشا باسقارماسىن بۇرىن باسقارعان كانىبەك دوسمامبەتوۆ.
24.kg باسىلىمىنىڭ جازۋىنشا، ولاردى اسكەري پروكۋراتۋرا ۇستاعان. ۇقساس اقپاراتتى قىرعىزستاننىڭ وزگە دە اقپارات قۇرالدارى قۇقىق قورعاۋ ورگاندارىنداعى دەرەككوزدەرىنە سۇيەنىپ تاراتقان.
ازىرگە اۆازوۆ پەن دوسمامبەتوۆتىڭ قانداي قىلمىستىق ءىس اياسىندا ۇستالعانى، ناقتى قانداي كۇدىك تاعىلعانى جانە ولاردىڭ پروتسەسسۋالدىق مارتەبەسى بەلگىسىز.
ماتەريال جاريالانعان ساتتە قىرعىزستاننىڭ اسكەري پروكۋراتۋراسى، باس پروكۋراتۋراسى جانە ۇلتتىق قاۋىپسىزدىك مەملەكەتتىك كوميتەتى رەسمي تۇسىنىكتەمە بەرمەگەن.
كۋرۆانبەك اۆازوۆ بۇعان دەيىن ۇقمك ءتوراعاسىنىڭ ءبىرىنشى ورىنباسارى قىزمەتىن اتقارعان. 2026-جىلعى اقپاندا ول ارنايى قىزمەت باسشىسىنىڭ بىرنەشە ورىنباسارىمەن بىرگە قىزمەتىنەن بوساتىلعان.
كانىبەك دوسمامبەتوۆ تە ۇزاق جىلدار ۇلتتىق قاۋىپسىزدىك ورگاندارىندا جۇمىس ىستەگەن. 2023- 2025-جىلدارى ۇ ق م ك- نىڭ جالال-اباد وبلىسى بويىنشا باسقارماسىن باسقارعان. كەيىن دەنساۋلىق ساقتاۋ مينيسترلىگىنە اۋىسىپ، ۆەدومستۆو باسشىسى قىزمەتىنە دەيىن كوتەرىلگەن. 2026-جىلعى اقپاندا مينيستر قىزمەتىنەن كەتكەن.
بۇعان دەيىن، 2026-جىلعى ساۋىردە، دوسمامبەتوۆ بۇرىن قوزعالعان قىلمىستىق ءىس اياسىندا ىشكى ىستەر مينيسترلىگىنە جاۋاپ الۋعا شاقىرىلعان. بىرنەشە ساعاتقا سوزىلعان تەرگەۋ ارەكەتتەرىنەن كەيىن ول بوساتىلعان.
قازىرگى تاڭدا ەكى بۇرىنعى شەنەۋنىككە قاتىستى ءىستىڭ ناقتى ءمان-جايى رەسمي تۇردە جاريالانعان جوق.
