قىرعىزستان وليمپيادا جۇلدەگەرلەرىنە ءومىر بويى ستيپەنديا تولەيدى

جاڭا تولەم جۇيەسى رەسمي تۇردە 2027-جىلدىڭ 1-قاڭتارىنان باستاپ كۇشىنە ەنەدى.

وليمپيادا جۇلدەگەرلەرىنە ستيپەنديالار كەلەسى مولشەردە تولەنەدى:

• 1-ورىن (التىن) - 30000 سوم نەمەسە 153000 تەڭگە

• 2-ورىن (كۇمىس) - 25000 سوم نەمەسە 128000 تەڭگە

• 3-ورىن (قولا) - 20000 سوم نەمەسە 102000 تەڭگە

سونىمەن قاتار وليمپيادالىق سپورت تۇرلەرىنەن ەرەسەكتەر اراسىنداعى الەم چەمپيوندارىنا 20000 سوم نەمەسە 102000 تەڭگە ستيپەنديا تاعايىندالادى.

ەگەر سپورتشىنىڭ بىرنەشە مەدالى نەمەسە اتاعى بولسا، ولاردىڭ ءارقايسىسى ءۇشىن بولەك ستيپەنديا بەرىلمەيدى، سپورتشىنىڭ ەڭ جوعارى سپورتتىق جەتىستىگى ءۇشىن ءبىر عانا ستيپەنديا تاعايىندالادى.

بۇعان دەيىن قىرعىزستاندا سپورتشىلاردىڭ قۇراما ساپىنداعى جىلدارى ەڭبەك وتىلىنە سانالاتىنىن حابارلاعان ەدىك.

قىرعىزستاندا جالاقى ينفلياتسياعا قاراي وسەدى.