قىرعىزدار تەگىندەگى «-وۆ»، «-يەۆ» قوسىمشالارىنان باس تارتىپ جاتىر

قىرعىزستاندىقتار تەگىندەگى «-وۆ»، «-يەۆ» قوسىمشالارىنان باس تارتىپ، انا تىلدە اتاۋعا اۋىسىپ جاتىر. ءتيىستى زاڭ جوباسىن دەپۋتاتتار قولداپ وتىر، - دەپ حابارلايدى ماسساگەت ءتىلشىسى KaktusMedia-عا سىلتەمە جاساپ.

Қырғызстандық шенеунік Асқар Ақаевтың үндеуіне қатысты пікір білдірді
فوتو: قىرعىز رەسپۋبليكاسىنىڭ مينيسترلەر كابينەتى

دەپۋتاتتار زاڭعا ەنگىزىلگەن تۇزەتۋلەردى ءبىرىنشى وقىلىمدا ماقۇلدادى. زاڭ جوباسىندا تەگى مەن اكەسىنىڭ اتىنىڭ ەملەنىڭ جاڭا نۇسقالارى بويىنشا بىلاي اتالاتىن بولادى:

تەگىن جازعاندا اتا ەسىمىنە اكە ەسىمى قوسىلىپ، ۇل بالالار ءۇشىن «ۋۋلۋ»، قىز بالالار ءۇشىن «كىزى» ءسوزى قوسىلادى.
ال تەگى اتا ەسىمى نەگىزىندە جازىلىپ، وعان «تەگي» ءسوزى مەن يەلىك جالعاۋلارى قوسىلادى:
ۇل بالالار ءۇشىن: «دىن/تىن»، «دين/تين»، «ءدۇن/تۇن»
قىز بالالار ءۇشىن: «دان/تان»، «دەن/تەن»، «ءدون/تون»
دەپۋتات جىلدىز سادىربايەۆا فاميلياداعى «- وۆ» جانە «-يەۆ» قوسىمشالارىنىڭ جويىلۋىنا الاڭداۋشىلىق ءبىلدىرىپ، وسى ماسەلە بويىنشا تۇسىنىكتەمە بەرۋدى سۇرادى. ال جوبا اۆتورلارىنىڭ ءبىرى ميرلان سامىيەمقوجا بۇرىننان بار ەملە، ونىڭ ىشىندە «ۋۋلۋ» جانە «كىزى» سوزدەرىنىڭ قولدانىسى ساقتالاتىنىن ايتتى.

سوڭعى جاڭالىقتار