قىرعىز پرەزيدەنتى استاناعا كەلدى
استانا. KAZINFORM - قىرعىز پرەزيدەنتى سادىر جاپاروۆ قازاقستانعا جۇمىس ساپارىمەن كەلدى. بۇل تۋرالى ق ر ۇكىمەتى حابارلادى.
قىرعىز مەملەكەتىنىڭ باسشىسى 28-قاراشا كۇنى استانادا وتەتىن ۇ ق ش ۇ ۇجىمدىق قاۋىپسىزدىك كەڭەسىنىڭ وتىرىسىنا قاتىسادى.
وندا مەملەكەت باسشىلارى حالىقارالىق جانە وڭىرلىك جاعداي، ونىڭ ۇ ق ش ۇ- عا مۇشە مەملەكەتتەردىڭ قاۋىپسىزدىگىنە اسەرى تۋرالى پىكىر الماسادى، ىنتىماقتاستىق ناتيجەلەرى مەن ۇجىمدىق قاۋىپسىزدىك جۇيەسىن ودان ءارى دامىتۋ پەرسپەكتيۆالارىن تالقىلايدى.
سونىمەن قاتار، 28-قاراشادا استانادا سىرتقى ىستەر مينيسترلەرى كەڭەسىنىڭ، قورعانىس مينيسترلەرى كەڭەسىنىڭ جانە ۇقشۇ قاۋىپسىزدىك كەڭەستەرى حاتشىلارى كوميتەتىنىڭ بىرلەسكەن وتىرىسى وتەدى.
ەستەرىڭىزگە سالا كەتەيىك، بۇعان دەيىن قاسىم-جومارت توقايەۆ اقوردادا ۆلاديمير پۋتيندى قارسى الدى. سونىمەن قاتار بەلارۋس پرەزيدەنتى الەكساندر لۋكاشەنكو قازاقستانعا جۇمىس ساپارىمەن كەلگەنى تۋرالى حابارلاندى.
