قىمبات اراق-شاراپتىڭ سالىعى 10 ەسە ارتادى
ۇكىمەت وتىرىسىنان كەيىن وتكەن باسپا ءسوز ءماسليحاتىندا ۇلتتىق ەكونوميكا ءمينيسترى الىبەك قۋانتىروۆ قىمبات اراق-شاراپتىڭ سالىعى قالاي ارتاتىنىن ايتتى، دەپ حابارلايدى قازاقپارات.
«نەشە قازاقستاندىقتىڭ مەنشىگىندە جەكە ياحتا، ۇشاق، قىمبات كولىك بار ەكەنى تۋرالى مالىمەتتى سىزدەرگە بەرىپ وتىرمىز. ءسان-سالتانات سالىعى دا وسى ساناتقا سالىنادى. ءسان- سالتانات سالىعى قىمبات اراق-شاراپقا دا قولدانىلادى. ءبىز ونىڭ مولشەرىن 10 ەسە كوتەرەمىز»، - دەيدى الىبەك قۋانتىروۆ.
مينيستر سوزىنە ناقتى مىسال دا كەلتىردى.
«ەلەستەتىپ كورىڭىز، مىسالى، 10 جىل ساقتالعان Macallan-نىڭ قۇنى - 7 ميلليون تەڭگە. ونىڭ قازىرگى اكسيزى - 700 تەڭگە. ءبىز ول اكسيزدى 10 ەسە كوتەرىپ، ءوز قۇنىنىڭ 10 پايىزىن سالىعىنا قوسامىز. ءسان-سالتانات سالىعى حالىقتىڭ ىشىندە ۇلەسى سونشا كوپ ەمەس بەلگىلى ءبىر تاپتاعى ادامدارعا عانا قاتىستى»، - دەدى مينيستر.