قىلمىستىق توپ 700 دەن استام شەتەلدىكتىڭ قازاقستاندا تۇرۋىنا زاڭسىز رۇقسات اپەرگەن
قاراعاندى. KAZINFORM - قاراعاندى وبلىسى پروكۋراتۋراسىنىڭ باستاماسىمەن ۇلتتىق قاۋىپسىزدىك كوميتەتىنىڭ قاراعاندى وبلىسى بويىنشا دەپارتامەنتىمەن بىرلەسىپ، قىلمىستىق توپتىڭ قىزمەتى توقتاتىلدى.
قىلمىستىق سحەماعا حالىققا قىزمەت كورسەتۋ ورتالىعىنىڭ، مەديتسينالىق مەكەمە قىزمەتكەرلەرى جانە «كومەكشىلەر» دەپ اتالاتىندار كىرگەن.
اقشالاي سىياقى ءۇشىن شەتەلدىكتەرگە ۋاقىتشا تۇرۋعا 700 دەن استام رۇقسات زاڭسىز بەرىلگەن.
ۋاقىتشا تۇرۋعا رۇقسات الۋعا ءوتىنىش بەرگەن كەزدە تۇرعىن ءۇي يەسىنىڭ جەكە قاتىسۋى مەن كەلىسىمى تالاپ ەتىلەدى، ءبىراق شەتەلدىكتەردى تىركەۋ زاڭ تالاپتارىن ەلەمەي جۇرگىزىلگەن.
سونىمەن قاتار، 2 ەلەكتروندى-سيفرلىق قولتاڭبا زاڭسىز شىعارىلىپ، «eQonaq» اقپاراتتىق جۇيەسىندە شەتەل ازاماتتارىنىڭ كەلۋىن تىركەۋ تۋرالى 30 دان استام حابارلاما بەرۋ ءۇشىن پايدالانىلعان.
مۇنىڭ ءبارى ەلەكتروندى- سيفرلىق قولتاڭبا يەلەرىنەن جاسىرىن جاسالعان.
شەتەلدىكتەردى تىركەۋ بويىنشا زاڭسىز سحەمالار ەل اۋماعىنا دەسترۋكتيۆتى تۇلعالاردىڭ كىرۋىنە مۇمكىندىك بەرەدى.
وسى فاكتى بويىنشا سوتقا دەيىنگى تەرگەۋ ءجۇرىپ جاتىر.
