09:37, 15 - اقپان 2024 | GMT +5
قويمادان دجوردج ۆاشينگتوننىڭ 18-عاسىردا سالىنعان پورترەتى ۇرلاندى
استانا. KAZINFORM – ا ق ش-تىڭ تۇڭعىش پرەزيدەنتى دجوردج ۆاشينگتوننىڭ پورترەتى كولورادو شتاتىنداعى قويمادان جوعالىپ كەتتى. بۇل تۋرالى دەنۆەردەگى فەدەرالدىق تەرگەۋ بيۋروسى X جەلىسىندەگى پاراقشاسىندا حابارلادى.
ۆاشينگتوننىڭ پورترەتى 18-عاسىردىڭ سوڭىندا سالىنعان.
كارتينانىڭ قايدا ەكەنى تۋرالى كەز كەلگەن اقپارات ءۇشىن پوليتسيا سىياقى ۇسىنىپ وتىر.
پورترەتتىڭ تاريحي ماڭىزى بار. ونى 1796 -جىلى امەريكالىق سۋرەتشى گيلبەرت چارلز ستيۋارت سالعان. سۋرەتشى ستيۋارت ومىرىندە دجوردج ۆاشينگتوننىڭ بىرنەشە پورترەتىن سالعان، ءبىراق بۇل پورترەت ۆاشينگتوننىڭ پورترەتىن دوللارلىق كۋپيۋراعا سالۋ ءۇشىن قولدانىلدى. ستيۋارت كوزى تىرىسىندە ونىڭ 130 كوشىرمەسىن جاساعان.
