قوياندى اۋىلىنداعى سۋ تاسقىنىنىڭ قازىرگى جاعدايى بەلگىلى بولدى
كوكشەتاۋ. KAZINFORM - اقمولا وبلىسىنىڭ قوياندى اۋىلىندا سۋ سورۋ جۇمىستارى جالعاسۋدا، قازىرگى كەزدە جاعداي قالىپتى.
اقمولا وبلىسى ت ج د باسپا ءسوز قىزمەتىنىڭ مالىمەتىنشە، سۋ تاسقىنىنا قارسى جۇمىستارعا اقمولا وبلىسى مەن استانا قالاسى ت ج د جانە جەرگىلىكتى اتقارۋشى ورگانداردىڭ كۇشتەرى مەن تەحنيكاسى تارتىلعان.
«27-ناۋرىز ساعات 06:00 جاعداي بويىنشا قوياندى اۋىلىندا 80 مىڭ تەكشە مەتر ەرىگەن قار سۋى سورىلدى. بۇعان اقمولا وبلىسى مەن استانا قالاسى ت ج د جانە جەرگىلىكتى اتقارۋشى ورگانداردان 76 ادام، 17 تەحنيكاسى جانە 18 موتوپومپا تارتىلدى. قازىرگى كەزدە جاعداي قالىپتى» - دەدى اقمولا وبلىسى ت ج د باستىعى قانات دوسپايەۆ.
ايتا كەتسەك، بۇدان بۇرىن قوياندى اۋىلىنىڭ تۇرعىندارى سۋ تاسقىنىنا بايلانىستى توتەنشە جاعداي جاريالاۋدى تالاپ ەتىپ، جولدى جاۋىپ تاستاعان ەدى.
