قوي فەرماسىن قۇرۋعا دا 2,5 پايىزدىق نەسيە بەرىلۋى مۇمكىن

استانا. KAZINFORM - اۋىل شارۋاشىلىعى مينيسترلىگى سالالىق جوبالارعا كرەديت بەرۋدىڭ باسىم باعىتتارىنا قوي فەرمالارىن دا قوسپاقشى.

كوپشىلىك تالقىلاۋىنا شىعارىلعان بۇيرىق جوباسىندا اگروونەركاسىپ جوبالارىنا كرەديت بەرۋدىڭ قوسىمشا 8 باسىم باعىتى كورسەتىلگەن. ونىڭ ىشىنە بۇعان دەيىن بولماعان قوي فەرماسىن قۇرۋ باعىتى دا كىرىپ وتىر. قۇجاتقا سۇيەنسەك، سولتۇستىك قازاقستان وبلىسىنىڭ تاجىريبەسىن رەسپۋبليكاعا تاراتۋ باعدارلاماسىنىڭ اياسىندا بەرىلەتىن 2,5 پايىزدىق نەسيە مىنا باعىتتاردى قامتيدى:

- تاۋارلىق ءسۇت فەرمالارىن قۇرۋ (قۋاتى 400 باستان باستاپ)؛

- ەتتى باعىتتاعى قۇس فابريكالارىن قۇرۋ (جىلىنا 5000 توننا قۇس ەتىنەن باستاپ)؛

- ەتتى باعىتتاعى مال شارۋاشىلىعى كاسىپورىندارىن قۇرۋ (5000 باستان باستاپ)؛

- كوكونىس ساقتاۋ قويمالارىن قۇرۋ (1000 توننادان باستاپ)؛

- جەمىس ساقتاۋ قويمالارىن قۇرۋ (1000 توننادان باستاپ)؛

- ونەركاسىپتىك جىلىجاي شارۋاشىلىعىن قۇرۋ؛

- اۋىل شارۋاشىلىعى ونىمدەرىن، ونىڭ ىشىندە ءجۇن مەن تەرىنى تەرەڭ وڭدەۋ كاسىپورىندارىن قۇرۋ؛

- قۋاتتىلىعى جىلىنا 25 توننادان اساتىن تاۋارلىق بالىق جانە باسقا دا سۋ جانۋارلارىن وسىرەتىن بالىق ءوسىرۋ شارۋاشىلىقتارىن قۇرۋ؛

- وندىرىستىك قۋاتتىلىعى تاۋلىگىنە 1 توننادان باستالاتىن بالىقتى ارشىپ، تازالايتىن، ودان ءارى تەرەڭدەتە وڭدەيتىن جانە ساقتايتىن بالىق وڭدەۋ كاسىپورىندارىن قۇرۋ.

- ا ءو ك سالاسىنداعى جوبالار بويىنشا بۋىپ-ءتۇيۋ ماتەريالدارىن ءوندىرۋ كاسىپورىندارىن قۇرۋ؛

- قۇس شارۋاشىلىعىنداعى اسىل تۇقىمدىق رەپرودۋكتورلاردى قۇرۋ؛

- قازىرگى زامانعى سۋ ۇنەمدەۋ تەحنولوگيالارىن (شاشىراتىپ، تامشىلاتىپ سۋارۋ) پايدالانا وتىرىپ، سۋارمالى ەگىنشىلىكتى قۇرۋ (كارتوپ پەن كوكونىستەر، ازىق ءوندىرىسى).

- قوي فەرمالارىن قۇرۋ (5000 باستان باستاپ) .