قوستانايدا قۇتقارۋشىلار ءۇيىندى استىنان ءبىر ادامدى تاپتى، قالعان ەكەۋىن ىزدەپ جاتىر

  قوستانايدا قيراعان ءۇيدىڭ ورنىندا قۇتقارۋ جۇمىسى جالعاسىپ جاتىر. قازىر ءۇيىندى استىندا شامامەن ءۇش ادام بار، دەپ حابارلايدى Kazinform ءتىلشىسى وقيعا ورنىنان.

ءدال وسى ساتتە قۇتقارۋشىلار سول ۇشەۋدىڭ بىرەۋىن سىرتقا شىعارۋ ءۇشىن جانتالاسىپ جاتىر.

قوستاناي وبلىسى توتەنشە جاعدايلار دەپارتامەنتىنىڭ باسشىسى قاسىم قايرات ول ادامدى ءتىرى شىعارۋ ىقتيمالدىعى وتە تومەن ەكەنىن ناقتىلادى.

ويتكەنى قوستانايدا قاتتى اياز كۇشىنە ءمىنىپ تۇر.

تاعى ەكى ادامدى ىزدەۋ جۇمىسى جالعاسىپ جاتىر.

ەسكە سالا كەتسەك، بۇگىن قوستانايدا 7 ادام قيراعان ءۇيدىڭ استىندا قالىپ قويعانى حابارلانعان ەدى.

كەيىن ۇشەۋى ءۇيىندى استىنان شىعارىلدى.

جەدەل كومەك قىزمەتى 4 ادام - قوستاناي وبلىستىق اۋرۋحاناسىنا، 7 ادام - قوستاناي قالالىق اۋرۋحاناسىنا جەتكىزىلگەنىن ءمالىم ەتتى.