قوستانايدا قۋاتى جىلىنا 70 مىڭ ماشينا وندىرۋگە جەتەتىن زاماناۋي زاۋىتى سالىنۋدا

тоқаев
Фото: Ақорда

  استانا. KAZINFORM — قاسىم- جومارت توقايەۆقا «Qarmet» كاسىپورنىنىڭ قازىرگى جاي-كۇيى، قالىپتى جۇمىسقا كوشۋ شارالارى، سونداي- اق ءوندىرىس كولەمىن ۇلعايتۋ، ەڭبەك قاۋىپسىزدىگىنىڭ دەڭگەيىن كوتەرۋ جوسپارى تۋرالى باياندالدى، دەپ حابارلايدى اقوردا.

كەزدەسۋ بارىسىندا مەملەكەت باسشىسى كاسىپورىن قىزمەتكەرلەرىنىڭ قاۋىپسىزدىگىن قامتاماسىز ەتۋ، اپاتتىق جاعدايلاردى بولدىرماۋ ماقساتىندا قۇرال-جابدىقتار مەن ماتەريالدىق- تەحنيكالىق بازانى بارىنشا جاڭعىرتۋ جۇمىستارىن جۇرگىزۋ اسا ماڭىزدى ەكەنىن اتاپ ءوتتى.

قازاقستان پرەزيدەنتىنە «Qarmet» كومپانياسىنىڭ باسشىلىعى مەتاللۋرگتەر جانە كومىر وندىرۋشىلەر كاسىپوداعىمەن كەزدەسۋ وتكىزگەنى تۋرالى باياندالدى.

وندا ەڭبەك شارتى، ۇجىم ءۇشىن ماڭىزدى شەشىمدەر قابىلداۋدا ءوزارا ىقپالداستىقتى ودان ءارى جالعاستىرۋ ماسەلەلەرى تالقىلانعان.

كەزدەسۋ قورىتىندىسى بويىنشا كومپانيا مەن قىزمەتكەرلەر اراسىندا بولاشاق ۇجىمدىق شارتتى بىرلەسىپ ازىرلەۋ تۋرالى كەلىسىمگە قول قويىلعان.

اندرەي لاۆرەنتيەۆتىڭ ايتۋىنشا، «Qarmet» كومپانياسى ءوندىرىس كولەمىن ارتتىرۋ، ورتالىق ازيا مەن ت م د-دا مەتاللۋرگيا سالاسى بويىنشا كوشباسشى كاسىپورىنداردىڭ ءبىرى رەتىندەگى مارتەبەسىن 2028 -جىلعا قاراي قايتارۋ جونىندە ستراتەگيالىق ماقسات قويىپ وتىر.

كوزدەلگەن ماقساتتاردى ىسكە اسىرۋ ءۇشىن جىلىنا بولات ءوندىرىسىن 64 پايىزعا (5 ميلليون تونناعا دەيىن)، تەمىر كەنى كونتسەنتراتىن 88 پايىزعا (5 ميلليون تونناعا دەيىن) جانە كومىر ءوندىرۋدى 47 پايىزعا (9 ميلليون تونناعا دەيىن) ۇلعايتۋ جوسپارلانعان.

سونىمەن قاتار قاسىم-جومارت توقايەۆ وڭىردەگى ەكولوگيا ماسەلەسىنە ەرەكشە نازار اۋدارىپ، جابدىقتاردى گازعا كوشىرۋ ارقىلى تەمىرتاۋ قالاسىنداعى ەكولوگيالىق احۋالدى ساۋىقتىرۋ ءۇشىن تۇبەگەيلى شارالار قابىلداۋ قاجەت ەكەنىن اتاپ ءوتتى.

بۇدان بولەك، مەملەكەت باسشىسىنا Allur ماشينا جاساۋ كاسىپورنى جۇمىسىنىڭ ناتيجەسى مەن دامۋ جوسپارى تۋرالى مالىمەت بەرىلدى.

2023 -جىلى زاۋىت 90 مىڭنان استام تەحنيكا شىعاردى. بۇل - وتاندىق ماشينا جاساۋ سالاسىنداعى رەكوردتىق كورسەتكىش. بيىل ناۋرىز ايىندا Chevrolet وnix اۆتوموبيلدەرىن ۇساق بولشەكتەردەن قۇراستىرۋ ءوندىرىسى ىسكە قوسىلادى.

ٹkoda اۆتوموبيلدەرى سەرياسىن شىعارۋعا ارنالعان جابدىقتار رەتكە كەلتىرىلىپ جاتىر. قوستاناي قالاسىنىڭ يندۋستريالىق ايماعىندا قۋاتى جىلىنا 70 مىڭ ماشينا وندىرۋگە جەتەتىن Kia Qazaqstan زاماناۋي زاۋىتى سالىنۋدا.

كەزدەسۋ سوڭىندا مەملەكەت باسشىسى ەڭبەك قاۋىپسىزدىگىن قامتاماسىز ەتۋ ءۇشىن كەشەندى شارالار قابىلداۋ ماڭىزدى ەكەنىن اتاپ ءوتىپ، ينۆەستيتسيالىق جوبالاردىڭ ۋاقىتىلى جۇزەگە اسىرىلۋىن جالعاستىرۋدى، سونىڭ ىشىندە ەكولوگيانى جاقسارتۋعا باعىتتالعان جۇمىستارعا باسا ءمان بەرۋدى تاپسىردى.

سوڭعى جاڭالىقتار