قوستانايدا ءيت قاپقان 13 ادامنان قۇتىرۋ دياگنوزى انىقتالدى

قوستاناي. KAZINFORM - قوستاناي وبلىسىندا ءيت قاۋىپ العانداردىڭ دەنى بالالار مەن جاس وسپىرىمدەر. بۇل تۋرالى Kazinform ءتىلشىسى حابارلايدى.

وبلىستىق س ە س دەپارتامەنتى 1700 دەن استام ءيت قاۋىپ الۋ جاعدايى تىركەلگەنىن مالىمدەدى. ونىڭ 879 ى قاڭعىباس يتتەر. سونداي-اق، وبلىستىڭ 710 تۇرعىنى مىسىقتان، 8 ءى جىلقىدان، 11 ءى ءىرى قارادان، 108 ءى جابايى جانۋارلاردان زارداپ شەكتى.

زارداپ شەككەندەردىڭ 1096 سى جەدەل جاردەمگە قاۋىپتى جاعدايدا (باس، بەت، مويىن، ساۋساقتار مەن قولدار) جۇگىنگەن.

ءيت قاپقان 13 ادامنان قۇتىرۋ دياگنوزى انىقتالدى. زارداپ شەككەندەرگە قۇتىرماعا قارسى ەكپەمەن شۇعىل مەديتسينالىق كومەك كورسەتىلدى.

قوستاناي وبلىسىندا قۇتىرما اۋرۋى سوڭعى رەت 2015-جىلى تىركەلگەن. بۇعان دەيىن قوستانايدا قاڭعىباس يتتەردى اۋلاۋ جانە زارارسىزداندىرۋ باعدارلاماسى قايتا قولعا الىنعانى ايتىلعان.