قوستاناي وبلىسىنداعى قاراتومار سۋ قويماسى 99 پايىزعا تولدى
استانا. KAZINFORM - قوستاناي وبلىسى اكىمىنىڭ ورىنباسارى ارمان ابەنوۆ ءوڭىردىڭ سۋ تاسقىنىمەن قالاي كۇرەسىپ جاتقانىن ايتىپ بەردى.
شەنەۋنىكتىڭ ايتۋىنشا، وبلىستىڭ وڭتۇستىگىندەگى سۋ تاسقىنى جاعدايى تۇراقتالدى. كۇش قوستاناي وبلىسىنىڭ باسقا اۋداندارىنا باعىتتالدى. قازىر قاراتومار سۋ قويماسى قارقىندى تولىپ جاتىر (99 پايىز). سونداي-اق، قوستانايعا قاراي قۋاتى سەكۋندىنا 2640 تەكشە مەتر سۋ اعىپ جاتىر.
قوستانايداعى توبىل وزەنىنە، رۋدنىي قالاسى پەرتسەۆ اۋىلىنا جانە قوستاناي اۋدانى توبىل قالاسىنا ىرگەلەس اۋماقتاردى سۋ باسۋ قاۋپى بار. توبىل وزەنىندە مۇز كەپتەلىسىنىڭ الدىن الۋ ءۇشىن ەكى رەت جارىلىس جۇمىسى جۇرگىزىلدى. سونداي-اق، اكىمنىڭ ورىنباسارى رەسەيدەن سۋ اعىزۋ كەزىندە ايەت اۋدان ورتالىعى مەن تاعى بىرنەشە اۋىلدى سۋ باسۋى مۇمكىن ەكەنىن اتاپ ءوتتى.
جالپى وبلىس بويىنشا توبىل مەن ءتىمتۋىر وزەنىنىڭ بويىندا 1835 ادام ەۆاكۋاتسيالاندى (تاۋلىگىنە قوستاناي قالاسى – 227، قوستاناي اۋدانى – 1043، رۋدنىي قالاسى – 73، قاراسۋ اۋدانى – 284، قارابالىق اۋدانى – 25، اۋليەكول اۋدانى – 32، ب. مايلين اۋدانى – 63، دەنيسوۆ اۋدانى - 88). جاعدايدى باقىلاۋ ءۇشىن تاۋلىك بويى كەزەكشىلىك جۇزەگە اسىرىلادى.
ايتا كەتسەك، بۇگىن مەملەكەت باسشىسى ەلدەگى سۋ تاسقىنى سالدارىنان قالىپتاسقان اۋىر جاعدايعا بايلانىستى ۇندەۋ جولدادى.
